Шақ категориясы – іс- қимылдың уақытын білдіретін етістіктің тұлғасы. Шақтың үш түрі бар: өткен шақ, осы шақ, келер шақ. Шақтық мағынаны білдіретін етістік көбінесе жіктеліп келеді де, сол арқылы жақтық мағына беріледі. Жіктік жалғау шақ қосымшаларынан кейін жалғанады. Мысалы: Мен оқып отырмын (нақ осы шақ). Самат нағашысының қолында тұрады (ауыспалы келер шақ). Айша университеттен келді (жедел өткен шақ).
1-тапсырма:Төменде берілген сөйлемдердегі етістіктердің шақтарын анықтаңыз
ҚР рәміздері 1992 жылы қабылданды.
Төле би бала кезінен шешендігімен елге танылды.
Ата-бабалардың өсиеті ұрпақтан ұрпаққа мұра болып қалады.
Марат Мұқағали Мақатаевтің өлеңдер жинағын оқып отыр.
Шетелде тұратын қазақтар атамекеніне оралып жатыр.
4-тапсырма:Көп нүкте орнына бұрынғы өткен шақ етістігінің жұрнағы мен қажетті жіктік жалғауын жалғаңыз
1. Мен досымнан электронды пошта арқылы хат ал... . 2. Біз сабаққа бірге кел... . 3. Жұмыс нәтижелері компьютер жадында сақтал... . 4. Ол компьютерге жаңа бағдарлама енгіз... .
5. Алғашқы компьютерлер өте үлкен бол... . 6. Дербес компьютерлер есептеуді жеңілдет... 7. Олар жүйе блогын іске қоспа... .