Ақбөкеннің таралуы, кездесетін аймағында санақ жүргізу әдістері
2014 жылдың 7 сәуірінде Қазақстанда жануарлар әлемі ресурстарын сақтау, қайта өндіру және тиімді пайдалану бағдарламасын іске асыру аясында киіктердің бетпақдалалық, үстірттік және оралдық таралымдарына авиасанақ және мониторинг жүргізіле бастады.
Аталған іс-шараларды ҚР ҚОСРМ орман және аңшылық шаруашылығы комитетінің «Охотзоопром» өндірістік бірлестігі жүргізеді. Сонымен қатар, осы жұмысқа ғалымдар, орман және аңшылық шаруашылығының облыстық аймақтық инспекциясының, ерекше қорғалатын табиғи аумақтар пен қоғамдық табиғатты қорғау ұйымдарының өкілдері тартылмақ.
Киіктерді әуеден санау 2 АН-2 ұшақтарының көмегімен жүргізілмек. Бір әуе кемесі киіктердің бетпақдала таралымы ареалында, ал екіншісі үстірттік және оралдық таралымдардың мекендейтін жерлерінде қолданылады.
2014 жылы киіктерге авиасанақ жүргізу ісіне 230 ұшу сағаты бөлініп отыр. Бетпақдала таралымы киіктерін санау Қарағанды және Қостанай облыстарының аумақтарында 2014 жылдың 10 сәуірінде жүргізіле бастайды.
Орал таралымын санау 2014 жылдың 7 сәуірінде басталып, Батыс Қазақстан облысы аумағында өтеді.
2013 жылғы мағлұматтар бойынша Қазақстанды мекендейтін киіктер саны 187 мың басқа жетті. 2003 жылғы деректерге сәйкес киік саны 21 мың бас болатын.
Ақбөкеннің жалпы саны - 61,0 мың болса, оның бетпақдала популяциясы - 32,3 мың, үстірт популяциясы – 10,4 мың, Орал популяциясы – 18,3 мыңдай болды. 2007 жылмен салыстырғанда, ақбөкенның жалпы саны 11,3%-ке өсті. Бірақ үстірт популяциясының саны азайғаны байқалды. Осы уақытқа дейін санақ кезінде Өзбекстанда қанша ақбөкен қалатыны əлі белгісіз болып отыр? Əрине əр жылдары ауа райына байланысты аңның саны өзгеріп отыратыны белгілі ғой. Бұл мəселені шешу үшін екі елде де бір мезгілде ақбөкенге санақ жұмысын жүргізу қажет.
