Байланысты: Дадашов Адхам Акажанович Жеңіл атлетиканың түрлері мен дамуы
Өкпенің серпімділігі - өкпе альвеолдарында серпімді ұлпалардың болуының арқасында ол созылып қайта тартылып алғашқы қалпына келе алады. Созылған өкпе ұлпаларын бұрынғы қалпына келтіретін күш серпін күші деп аталады. Өкпе ұлпалары неғұрлым созылғыш келсе, оның серпімділігі де соғырлым жоғары болады. Серпімділік альвеол қабырғаларында серпімді талшықтардың болуымен қатар әрбір альвеоланың ішкі бетінде сурфактант атты беткі кернеу күші өте төмен заттың болуына байланысты. Оның химиялық табиғаты - фосфолипидтер, қалыңдығы 20-100 нм.
Сурфактантпен көмкерілген альвеола өкпенің трансмуральдық (алъвеола ішіндегі қысым (Ра) мен плевра қуысындағы қысым (Р) айырмасы) қысымы қанша жоғарыласа да қабыспайды; әрқашан кернеліп тұрады. Сурфактант болмаса жаңа туған баланың өкпесі жазыла алмас еді.
Тыныс алу кезінде кеуде қуысының көлемі өзгеруіне қарай
тыныс алудың үш типі болады: көкіректік тыныс алу-әйелдерге тән; құрсақ арқылы тыныс алу-ерлерге тән; аралас тыныс алу жасөспірімдерге тән.
