5В020300 «Тарих» мамандығы бойынша
жүктеу/скачать 2,18 Mb. Pdf көрінісі
|
бакалавриат История
XXI-ғасырдың қауiптi аурулары, Әлеуметтану, Кәсіпкерлік жоба Альфа ворд, 118359 (1), Анализаторлар, ҰБТге дайындық кітабы, 1-нұсқа пиза, Данные по классу, Image to PDF 20221107 16.20.36, модерация Улболсын, Қосымша 13-14 01140400
|
ПӘННІҢ МАЗМҰНЫ Кіріспе Пәнді оқытудағы мақсат: Орта ғасырлар қоғамының кезеңіндегі еуропалық өркениеттің алғышарттары мен қалыптасуын, сипатты белгілері, шаруашылық экономикалық құрылыс, әлеуметтік қатынастар, саяси құрылыс, материалдық және рухани мәдениеттің ерекшеліктерін зерттеу; феодалдық қоғамдық жүйесі эволюциясының заңдылықтарын және оның аталған аймақтардағы ерекшеліктерін, сонымен қатар олардың мысалында дүние жүзі тарихының жалпы заңдылықтарын көрсету. Пәннің міндеттері мынадай болып табылады : ортағасырлық еуропалық өркениеттің қалыптасу себептерін, жағдайын, кезеңдерін; Орта ғасырлардағы шаруашылық-экономикалық қатынастардың және әлеуметтік байланыстардың типтерін; феодализм құбылысының мәні; ортағасырлық еуропалық өркениет адамдарының негізгі менталды сипаттарын; ортағасырлық әлемнің жеке аймақтарының экономикалық, әлеуметтік, саяси және мәдени дамуының ерекшеліктерін; Ортағасырлар тарихы бойынша негізгі деректер кешені мен әлемдік медиевистиканың маңызды жетістіктерін; адамзаттың келесі кезеңдерде дамуындағы ортағасырлық еуропалық өркениеттің рөлі мен маңыздылығын зерттеу. Оқу курсының мәселелік қағидада құрылуы ортағасыр тарихын оқытудың жалпы міндетін ортағасырлардағы және ерте жаңа замандағы жетекші мемлекеттердің әлеуметтік, аграрлық, саяси және қоғамдық дамуы бойынша студенттермен бірге қарастыру міндеті ретінде көрсетуге мүмкіндік береді. Аталмыш пәннің зерттеу объектісі ортағасырлық қоғамның әлеуметтік- экономикалық және саяси тарихы, феодалдық экономикалық жүйе, қала сауда орталығы ретінде, саяси институттар, мемлекеттіліктің түрлері, материалдық және рухани мәдениет, ортағасырлық адамның діни өмірі мен дүниетанымы. Пән бағдарламасының концепциясының негізін өркениеттік, антропологиялық, аксиологиялық ұстанымдар құрайды. Өркениеттік ұстаным негізінде ортағасырлық тарих өзіне тән сипатымен, материалдық және рухани өмірінің ерекшеліктерімен, әлеуметтік қатынастарымен жеке өркениеттер тарихы ретінде сипатталады. Бұл ұстаным шеңберінде қоғам жүйелерінің басты ықпалдастығы негізге алынып, жалпы, мәдени-тарихи кеңістіктегі ортақ бірлігі ескеріледі. Антропологиялық ұстаным, ортағасырлық қоғам тарихының қазіргі кезеңнен сипаттық ерекшелігін, өзге уақыттық-кеңістік бірлікті, дәуір, өркениет, формацияны қарастырады. Адамның уақытына сай өзіндік дүниетанымының ерекшелігін қарастырады, микро-макро топтардағы қарым-қатынастар, күнделікті өзін-өзі ортада ұстауы зерттеледі. Бұл жағдайда зерттеу орталығында адам – индивид – ортағасырлық қоғам өкілі ретінде өзіне тән дүниетанымы мен менталитетімен қарастырылады. Аксиологиялық таным – ортағасырлық адамдардың материалдық және рухани құндылықтарын зерттеуге бағытталған. Ортағасырлық адамдарды, өзге өмірлік құндылықтары мен мүдделері бар өзге дәуірдің өкілдері ретінде қарастыру. Аталған ұстанымдардың бірлігі ортағасырлық тарихты зерттеуге бағытталады. Ең алдымен ортағасырлық адамдардың ішкі дүниесі, өзге адамдармен қарым-қатынасы, ортағасырлық тарихтың ерекшелігі, және бұл ерекшеліктер индустриалды және постиндустриалды қоғамның әлеуметтік жүйесіне сия бермейді. Орта ғасырлар тарихы пәнінің өзге ғылым мен пәндерден ерекшелігі. «Орта ғасырлар тарихы» пәнінің өзге тарих пәндерінен ерекшелігі генезис тарихымен байланысты, феодализмнің гүлденуі мен құлдырауы, Батыс Еуропа елдеріндегі капиталистік қатынастардың бастапқы кезеңі, Орталық Еуропа мен Византия империясының елдері, орта ғасырлар тарихының кезеңдері, Батыс Еуропалық мемлекеттіліктің эволюциялық формалары, халықаралық қатынастардың сипаты, өркениеттік дамуының ерекшеліктері, конфессиялық және мәдени дәстүрлер. Ғылым дамуының қысқаша тарихи жолы, оның негізгі сатылары. Ортағасырлар дәуірінің ағартушылары. Романдық-германдық мәселе, оның тағдыры. Романтиктердің ортағасырлар тарихы мен мәдениетін асыра бағалауы. Эволюцияшылдық және орта ғасырлар тарихын зерттеу. Марксизм және медиевистиканың эволюциясына ықпалы. Циклдық теориялар, медиевистикадағы томаға-тұйық өркениеттер. Л. Ранке, О. Шпенглер, А. Тойнби. Медиевистика терминінің пайда болуы мен эволюциясы. ХІХ-ХХ ғасырлардағы медиевистика. «Құлдар революциясы» теориясы. Медиевистиканың қазіргі жағдайы, ұстанымдары, зерттеу сатылары, өзектілігі. Аз зерттелген мәселелері, өндірістік күштердің өсуі, ортағасырлық мәдениеттің сипаты, феодализмнің көпварианттығы, феодалдық қоғамның алғышарттары мен қалыптасу себептері, феодализмді комплексті және жүйелі зерттеу қажеттілігі. Қазіргі таңдағы медиевистика саласының алдында тұрған міндеттер мен мәселелер. жүктеу/скачать 2,18 Mb. Достарыңызбен бөлісу:
|