5В050400-«Журналистика» мамандығы бойынша типтік оқу бағдарламалары
КzZhZhPK1204 ҚАЗІРГІ ЖУРНАЛИСТИКАНЫҢ ЖАНРЛЫҚ
жүктеу/скачать 1,69 Mb. Pdf көрінісі
|
5В050400-Журналистика
- Бұл бет үшін навигация:
- К. Қамзин Пікір жазғандар
- Б.Ө. Жақып филология ғылымдарының докторы, әл-Фараби атындағы ҚазҰУ профессоры Ш.Ы. Нұрғожина
- ТҮСІНДІРМЕ ХАТ
| КzZhZhPK1204 ҚАЗІРГІ ЖУРНАЛИСТИКАНЫҢ ЖАНРЛЫҚ
ПІШІНДЕРІ МЕН ҚЫЗМЕТІ көлемі 3 кредит Авторы: филология ғылымдарының докторы, профессор К. Қамзин Пікір жазғандар: филология ғылымдарының докторы, профессор, КР ҰҒА-ның корреспондент мүшесі, «Қазақ энциклопедиясы» ЖШС-нің Бас директоры Б.Ө. Жақып филология ғылымдарының докторы, әл-Фараби атындағы ҚазҰУ профессоры Ш.Ы. Нұрғожина ТҮСІНДІРМЕ ХАТ Ұлттық ақпараттық қауымдастық, зияткерлік орта толысуының бүгінгі сатысында мерзімі баспасөз және электронды ақпарат құралдарының маңызды міндеті – еліміздің ішкі және сыртқы саясатын білікті саралай білу, нарықтық экономика, инновациялық жобалар мен халық әл-ауқаты артуының диалектикалық бірлігін жалпының көкейіне жеткізе алу, әлемдегі алдыңғы қатарлы елу мемлекет санатына қосылудың стратегиясы мен тактикасын жұртшылыққа сауатты да білікті ұғындыру, ел санасына руханилықтың, адамгершіліктің, отансүйгіштіктің, мәдениеттілік пен білімділіктің ізгі дєнін сіңіру. Осы мәселеге қазіргі қазақ публицистикасы насихаттық, реттемелік, гедонистік, ғылыми-танымдық, ақпараттық, психологиялық тұрғыдан араласады. Информациялық және мәдени кеңістікте көсемсөз үлгілерінің таралуын, оның тікелей және жанама ықпалын тап баса білу теориялық һәм практикалық білгірлікке, көсемсөздің ғылыми негіздерін терең меңгеруге, медиамәтінді ажарлы конструкциялауға, журналистік шеберлікті ұдайы жетілдіруге тікелей байланысты. Қазіргі практикалықжурналистика талай жылдан бері қалыптасқан, өзіндік даму жолынан өткен теориялық қисындарға сүйенеді. Бүгінгі таңда дәстүрлі журналистика жанрлар жүйесі елеулі өзгеріске ұшырап, пубицистика кеңістігіне бірсыпыра жаңа пішіндер аяқ басты, кейбір жанрлардың қызметі модернизацияланды. Дей тұрғанмен оның ұзақ тарихи мерзімде түбегейлі өзгеріске ұшырамайтын, өмір шындығын бейнелейтін құрылымдық-композициялық сипаты сақталып қалды. Өтілетін дєрістер мен зертханалық жаттығулар қанаттас гуманитарлық ілімдермен, бірқатар жаратылыстану пәндерімен қабысып жатады, осы өзара байланыс пен бірін-бірі байыту танымы жаңа журналистер корпусын дайындап шығаруға септігін тигізеді. 32 Әлемдегі объективті құбылыстар, мультимәдениет ықпалы, ғылыми- технологиялық прогресс, нарықтық қатынастар және әлеумет өміріндегі іргелі өзгерістер кезеңіндегі баспасөз тіршілігіне, публицистиканың жалпы мәселелеріне тек журналистика теориясын жасаушылар, практик-мамандар ғана араласып қоймайды, оған қоғамымыздың белсенді секторы, жасампаз бөлігі ынталана ат салысады. Журналистика және функционалдық шеберлік, әлеуметтік журналистика, интернетжурналистика ұғымдарының өзі кәсіби шеңберден асып, елдің күнделікті тіршілік салтына, халықтың рухани азығына, өмір сүру әдебіне, пәрменді пікіріне айналды, ұлттық құндылық деңгейіне көтерілді. Студенттер «Қазіргі журналистиканың жанрлық пішіндері мен қызметі» теориялық сабағынан алған білімін іс жүзінде тиянақтайды, жоспарлы пысықтайды. Шәкірттерге ұсынылар теориялық-методологиялық қисындарға қазақ және шет ел баспасөзіндегі, интернет сайттарындағы жарияланымдар, түрлі-түрлі журналистік мектептердің өнегелері, белгілі ғалымдардың зерттеу үлгілері таяныш болады. Пәнді оқу нәтижесінде студенттерге қойылатын құзыреттер: - көсемсөз жанрларының теориясы мен практикасын жақсы білуі тиіс; - білікті болуы тиіс; - құзыретті болуы тиіс; - журналистикатану саласындағы білімін ұдайы жетілдіруге тиіс; - қазіргі журналистика мәтіндерінің жаратылыс пен әлеуметтік үдерістердегі орны мен ролін нақты ұғынуы тиіс; - қазақ және халықаралық журналистика шеберлерінің ой өрісі мен тақырыпты игеру динамикасын байыптап, заманалы журналистика жанрлық пішіндерін өмір шындығымен тығыз байланыста қарастыруға тиіс; - хабарлама, талдамалы және деректі-көркем журналистика әдіс-тәсілдерін меңгере отырып, студент тарихи сабақтастық, жанрлар қызметінің ерекшеліктерін айқындауға тиіс; - студент қазіргі журналистика функцияларын жадында сақтап, өзіндік жазу мәнерін іздеп,шеберлігін ұштай түсуге дағдылануға тиіс; Пәнді игеру процесінде студенттер мынадай нәтижеге жетеді: - қалыптасқан теориялық ережелерді практикада ұтымды қолдана біледі. Пәннің ізашарлары: «Журналистика негіздері». Пәннің ізбасарлары: «Талдамалы журналистика». жүктеу/скачать 1,69 Mb. Достарыңызбен бөлісу:
|