27-сурет. Жоспарланған және іс жүзінде жөнелтілген тауарлардың айырмашылығын есептеу
Выражение1 мәні орнына Отклонение сөзін жазып, келесі өрнекті енгізіңіз: Nz([Sum-КОЛ_ПОСТ])-Nz([Sum-КОЛ_ОТГР]).
Сұранысты Анализ выполнения плана атауымен сақтаңыз.
Бақылау сұрақтары
Кестелер байланысы үшін үнсіз келісім бойынша жазбаларды біріктірудің қандай тәсілі орнатылады?
Обеспечение целостности данных параметрі біріктіру параметрін орнатуға кедергі бола ма?
Біріктіру параметрін таңдау мүмкіндігі қандай терезеде қандай кнопка арқылы ашылады?
Сұрыптауға қажеттілік қандай сөйлеммен анықталады?
Сұранысқа параметр қалай енгізіледі?
Сұраныс бланкісінде қандай команда кесте аттары бар қатарды бейнелеуге мүмкіндік береді?
Сұраныс бланкісінің Поле қатарында ашылатын тізімде қандай өрістер сипатталған?
Бірнеше өрістер бойынша сұраныс жазбаларын топтастыру мүмкін бола ма?
Лабораториялық жұмыс № 8.
Тақырыбы: Формалар құру. Форма шебері. Форма түрлері.
Бір кестелі формалар. Формалар бір немесе бірнеше өзара кестелердің деректерімен ыңғайлы жұмыс жасау үшін арналған. Формамен жұмыс істей отырып, қолданушы кестелерге жазбаларды қоса алады немесе өшіре алады, есептеу деректерін ала алады. Форма жасау барысында енгізілетін деректерге бақылау жасауға немесе шектеулер қоюға, қажетті қосымша мәліметтер қосу мүмкіндіктері қарастырылған.
Форма деректер базасымен жұмыс жасау үшін қолданушының сұхбатты қосымшаларын жасау негізі болып табылады. Формалар енгізілген деректерді көруге, мазмұнын өзгертуге және т.б. мүмкіндік береді.
Форма құру үшін ACCESS шебері қолданыла алады. Алайда қолданушы талаптарына сәйкес келетін форма макетін нақты қалыптастыру форма конструкторымен жүзеге асады. Форма конструкторын жаңа форма құру үшін де, сондай-ақ шебер көмегімен құрылған форманы түзету үшін де қолданыла алады.
Форма кестелер үшін бейнеленетін басқару элементтері мен кесте өрістерімен байланысы жоқ басқарудың графикалық элементтерінен тұрады. Графикалық элементтер форма макетін құру үшін арналған: жазу, есептейтін өрістер, ендірілетін объектілер (суреттер, диаграммалар), белгілі бір әрекеттерді орындайтын кнопкалар.
Форма мен оның әрбір элементтерінің қасиеттер жиынтығы болады.
Достарыңызбен бөлісу: |
