Майда еритін маңызды дәрумендер. А дәрумені (ретинол) ағзаның
өсуі және дамуы, эпителий ұлпасы жасушаларының: тері, шаш, шырыш-
ты қабықтың жаңаруы, қалыпты көру үшін қажет. Ол ымыртта және
түнде жақсы көруге әсер етеді.
А дәрумені жетіспесе тері құрғақ болады,
жарылады, қабыршақтанады. Тыныс алу жолдарының сілемейлі қабығы
мен көздің қасаң қабағы қалпына келмейді.
А дәруменінің авитаминозы кезінде
ақшамсоқырауруы пайда болады.
Адамның қас қарайғанда көруі нашарлайды. Жалпы көруі төмендейді.
А дәруменінің ізашарлары өсімдіктердің қызыл, сары пигменттері
– каротин. Біз оларды өсімдіктекті тамақ арқылы аламыз. Шырғанақ,
сәбіз, өрік, итмұрын, асқабақ, асжапырақ және т.б. құрамында А дә-
ру мені көп мөлшерде болады. Каротинді ағзамыз жақсы сіңіру үшін
аталған өсімдіктекті өнімдерді жануар немесе өсімдік майын, қаймақ
қосып жеу керек. Каротин бауыр жасушаларында және ішектің
қабырғаларында
А дәруменіне айналады. Бір тәуліктегі қажет мөлшері –
1–2 мг.
A дәрумені көп мөлшерде жануартекті өнімдерде – бауыр, сары-
май, сүт, жұмыртқа сарыуызында, уылдырықта, балық майында бо-
лады.
