Ақыртөбе ауылдық округінің әкімі Абишев Айбек Каирбековичтің 2018 жылдың қорытындысы бойынша халық алдындағы есебі

«Ақыртөбе ауылдық округі әкімінің аппараты» коммуналдық мемлекеттік мекемесі өз қызметін Қазақстан Республикасының Конституциясымен, Қазақстан Республикасы Президенті мен Үкіметінің, облыс және аудан әкімдерінің актілеріне, сондай-ақ Ережелерге сәйкес жүзеге асырып келеді. Ақыртөбе ауылдық округі әкімі аппаратында 1 әкім, 4 бас маман, 2 жетекші маман, 2 статист маманы халыққа қызмет көрсетеді.

Ақыртөбе ауылдық округіне Ақыртөбе, Малдыбай ауылдары қарайды. Округ бойынша 3063 адам тұрады. Соның ішінде Ақыртөбе ауылында 2544 адам, Малдыбай ауылында 519 адам тіркелген. Түтін саны округ бойынша - 638 үй. Оның ішінде Ақыртөбе ауылында -535 үй. Ал Малдыбай ауылында 103- үй бар.

Округке қарасты екі ауыл да көгілдір отынмен қамтамасыз етілген. Көгілдір отын Ақыртөбе ауылының 501 үйіне, Малдыбай ауылының 59 үйіне кірген.

Округте 2 орта мектеп, 2 балабақша, 2 кітапхана, колледж, пошта, дәрігерлік амбулатория, орманшарушылығы мекемесі, Ақыртөбе электр қуатын тарату мекемесі, жедел-жәрдем бекеті, Малдыбай ауылында орналасқан астық сақтау қоймасы, жерасты газ сақтау қоймасы, теміржол ПЧ, СЧ, ЕЧ бөлімшелері, Теміржолсу-Шу мекемесі, 2 мешіт және Жолға қызмет көрсететін мекемелер халыққа қызмет көрсетіп келеді. Осы мекемелерде ауыл тұрғындарының басым көпшілігі жұмыс атқаруда.

«Ақыртөбе ауылдық округі әкімінің аппараты» коммуналдық мемлекеттік мекемесінде 2018 жылы жеке және заңды тұлғалардан 84 өтініш түсіп, оның 83 өтініші қаралды, 1 өтініште көрсетілген мәселелер біздің мекеменің құзретіне кірмейтіндіктен, қарау үшін тиісті мекемеге жолданды. Оның ішінде 70 өтініші толықтай қанағаттандырылып, 5 өтініш кері қайтарылды, 8 өтініш жазбаша және ауызша түсіндірілді. Ақыртөбе ауылдық округі әкімінің жеке қабылдауы бойынша 9 өтініш түсіп, жеке қабылдау кезінде түсіндірілді. 2018 жылы 815 кіріс, 896 шығыс құжаттары тіркелген. Сондай-ақ 2018 жылы ауылдық округ әкімінің 55 шешім, 118 өкім дайындалып, шығарылды. «Ақыртөбе ауылдық округі әкімінің аппараты» коммуналдық мемлекеттік мекемесінде 2018 жылы көрсетілген мемлекеттік қызметтердің жалпы саны – 207-ні құрады. Оның ішінде мектепке дейінгі білім беру ұйымдарына 7 жасқа дейінгі балаларды кезекке қою – 151, жеке қосалқы шаруашылығы бар туралы анықтама беру – 53, жер учаскесінің нысаналы мақсатын өзгертуге шешім беру - 3 мемлекеттік қызметтер көрсетілді.