Абай Құнанбаев

Сенбе жұртқа, тұрса да қанша мақтап

• Сенбе жұртқа, тұрса да қанша мақтап,
• Әуре етеді ішіне қулық сақтап.
• Өзіңе сен, өзіңді алып шығар
• Еңбегің мен ақылың екі жақтап.
• Өзіңді сенгіштікпен әуре етпе,
• Құмарпаз боп мақтанды қуып кетпе.
• Жұртпен бірге өзіңді қоса алдасып,
• Салпылдап сағым қуған бойыңа еп пе?
• Қайғы келсе, қарсы тұр, құлай берме.
• Қызық келсе, қызықпа, оңғаққа ерме.
• Жүрегіңе сүңгі де, түбін көзде,
• Сонан тапқан - шын асыл, тастай көрме.

Абай он жасқа келгенде әкесі оны Семейдегі медресеге оқуға береді. Осында жүріп Абай орыс халқының ұлы ақындары А.С.Пушкин, М.Ю.Лермонтов, И.А.Крылов шығармаларымен өз бетінше оқып танысады. Кейін олардың өлеңдерін қазақшаға аударады.

• Абай он жасқа келгенде әкесі оны Семейдегі медресеге оқуға береді. Осында жүріп Абай орыс халқының ұлы ақындары А.С.Пушкин, М.Ю.Лермонтов, И.А.Крылов шығармаларымен өз бетінше оқып танысады. Кейін олардың өлеңдерін қазақшаға аударады.