Өлке экономикасының бұдан былай дамуында Ресейдің капиталистік өнеркәсібі мен жергілікті жердегі ауыл шаруашылық өндірісі арасында делдал әрекет жасаған сауда және өсімқорлық капиталдың рөлі арта түсті, ол Ресейдің орталық губерниялары мен Қазақстан арасындағы емес, сонымен бірге өлкенің ішінде де тауар айналымының өсу қарқынын шапшаңдатты. Мұндағы натуралды шаруашылық біртіндеп ыдырай бастады.
Қазақ шаруашылығының рынокпен байланысының ұлғаюына патша өкіметінің салық саясаты ықпал жасады. Қазақтарға ақшалай көптеген салықтардың салынуы оларды өнімдерінің бір бөлігін рыноктарда өткізуге мәжбүр етті. Мал мен астық барған сайын тауарға айнала берді.
