Бүгінгі күні Қазақстан Республикасының жеке ел болып, төл шаңырағының астында көптеген ұлттар мен ұлыстарды біріктіріп, өркениетті даму жолына түскеніне жиырма төрт жылдай уақыт болды. Әрине қазіргі жағдайына ғасырлап жеткен өзге өркениетті елдерге қарағанда бұл тым аз уақыт. Бірақ, осыған қарамастан бәйге жолына бірге шыққан көршілерінен оқ бойы озық келе жатқан Қазақстан Республикасының бүгінгі экономикалық, әлеуметтік және саяси аз емес. Дегенмен, ел дамуы тек оның экономикалық жетістіктерімен айқындалды десек қателесеміз. Өйткені, ұлт пен ұылстың, жалпы біртұтас елдің табиғи дамуының бірден –бір көзі – рух екендігін адамзат әлдеқашан мойындаған. Әрине, қазақстан халқы өткен күнде де, бүгін де рухани байлықтан кенде қалған емес екендігі барлығымызға да мәлім. Алайда, дәл қазіргі әлемдегі саяси-экономикалық және әлеуметтік-мәдени жағдай біздің елімізден буырқанған өркениеттер тоғысында жетімсіреген күй кешпей, дүниедегі өз орнын тезірек айқындауды талап етеді.
