Шапағат екіге бөлінеді. Қабыл етілетін шапағат пен қабыл
етілмейтін шапағат. Қабылданатын шапағаттың бірнеше түрі бар.
Бірінші: Пайғамбарымызға (с.а.с.) жеке ғана нәсіп болатын
шапағат. Ол үшке бөлінеді:
1) Ұлы шапағат. Ол Пайғамбарымыздың (с.а.с.) бүкіл
адамзатқа есеп-қисаптың басталуы үшін жасайтын шапағаты. Ол
жайлы жоғарыда келтірілді;
2) Жаннаттықтардың жаннатқа кіруіне шапағат етуі;
3) Пайғамбарымыздың (с.а.с.) көкесі Әбу Талибке тозақтағы
ең жеңіл азап берілуіне жасайтын шапағаты.
Екінші:
Пайғамбарымыз
(с.а.с.)
бен
басқа
да
пайғамбарлардың, періштелердің, мүмін пенделердің шапағаты.
Оның түрлері:
1) Тозаққа кіруге лайық болған, бірақ Аллаһқа серік қоспаған
күнәкар мұсылмандардың тозаққа кірмеуі үшін жасалатын
шапағат. Бұған жаннатқа кіретін адамдар жайлы әңгіме
қозғағанымызда кеңірек тоқталамыз;
2) Тозаққа түскен күнәкар мұсылмандардың қайта шығулары
үшін жасалатын шапағат;
3) Кейбір жаннаттықтардың жаннаттағы дәрежесін көтеру
үшін жасалатын шапағат.
Бұл шапағаттардың қабыл болуының екі шарты бар:
