Акимжанова Гаухар Сауалхановна Пәні: қазақ тілі Курс І топ эпс-103 Мерзімі сабақтың тақырыбы: Асханада. Етістіктің келер шағы сабақтың типі: аралас сабақ

жүктеу/скачать 58,81 Kb.

Дата	22.06.2017
өлшемі	58,81 Kb.
	#19554
түрі	Сабақ

САБАҚ ЖОСПАРЫ
Оқытушының аты-жөні: Акимжанова Гаухар Сауалхановна

Пәні: қазақ тілі

Курс І топ ЭПС-103 Мерзімі ______

1.Сабақтың тақырыбы: Асханада. Етістіктің келер шағы.

2. Сабақтың типі: аралас сабақ

3. Сабақтың түріі: ББД дамыту сабақ

4. Қолданылған технология: Сын тұрғысынан ойлау, АКТ, сатылай кешенді талдау

5. Сабақтың жабдығы: үлестірмелі парақшалар, компьютер, слайд

6. Сабақ мақсаты: Білімділік: Асханада тақырыбына қатысты сөздерді меңгерте отырып, екеуара сөйлесуге, мәтінмен жұмыс жасауға дағдыландыру. Келер шақтың түрлерімен, жасалу жолдарымен таныстыру.

Дамытушылық: Білім алушының сөздік қорын, білім, білік, дағдысын дамыту, тілін ширату.

Тәрбиелілік: Әдептілікке, адамгершілікке, дұрыс тамақтануға тәрбиелеу. Эстетикалық тәрбие беру.

САБАҚ БАРЫСЫ:

І.Ұйымдастыру кезеңі: Амандасу, студенттерді түгендеу, аудитория тазалығы, жаңа білім беру сабағына дайындық жүргізу.

ІІ. Үй тапсырмасын тексеру: «Менің бөлмем» тақырыбына әңгіме жазу.

ІІІ. Жаңа сабақты меңгерту кезеңі: 1. Сабақтың тақырыбын және мақсатын қою.
Келер шақ сөйлеп тұрған уақыттан кейін болатын іс-әрекетті білдіреді. Оның 3 түрі бар:

Болжалды келер шақ	Іс-қимылдың келешекте болатынын дәл көрсетпей, болжай ғана білдіреді.	етістік + (-ар, -ер, -р)+ жіктік жалғауы
Мақсатты келер шақ	Іс-қимылдың келешекте мақсат етіле орындалатынын білдіреді.	етістік + (-мақ, -мек, -пақ, -пек, -бақ, -бек) + (-шы,-ші) +ж.ж
Ауыспалы келер шақ	Алдағы уақытта болатын Іс-қимылды білдіреді.	етістік + (-а, -е, -й) + жіктік жалғауы

IV. Бекіту кезеңі: 1-тапсырма. Мәтінді түсініп оқыңыздар. Мәтін мазмұнына сұрақтар дайындаңыздар.

Үлгі: Жұмыстың асханасы қайда орналасқан? Етістіктерді тауып, келер шақта жазыңыздар.

Асханада

Біздің жұмысымыздың асханасы төменгі қабатта орналасқан. Біз түскі тамақты үнемі асханадан ішеміз. Асхананың тамақтары өте дәмді. Асханада:шырындар, сусындар, салаттар, қой етінен, сиыр етінен, тауық етінен, балықтан жасалған тағамдар бар. Тәтті тағамдар да көп. Маған әсіресе балықтан пісірілген тамақтар қатты ұнайды. Міне, бүгін де әріптестерімізбен түстену үшін асханамызға келдік. Мен әдеттегідей қуырылған балық, тауық сорпасын алдым. Әріптесім Ажар тәтті тағамдарды ұнатады. Ол бүгін де әдеттегісінше тәттілерді көбірек алды. Тамақтарды ұсынып жатып аспаз Әлия тәте бізге «тамақтарыңыз дәмді болсын!» деді.

2-тапсырма. Сұрақтарға жауап беріңіз?

1. Сіз асханадан қандай тамақтар аласыз?

......................................................................

2. Қандай сусындар ішесіз?

.......................................................................

3. Біріншіге не аласыз?

.......................................................................

4. Екіншіге не аласыз?

........................................................................

3-тапсырма. Диалогты оқыңыздар. Рөлге бөліп оқыңыздар. Диалогты әңгіме түрінде жазаңыздар.

Біз түсте асханада тамақтанамыз. Бүгін де асханаға бардық. Даяшы мәзірді берді.Біз тамақ таңдай бастадық.

Даяшы: Қандай тамақ әкелейін?

Мен: Қазы, кеспе, қуырдақ, шай, шайға жет беріңіз.

Досым: Жая, сорпа, қазақша ет, шай, шайға шәкшәк әкеліңіз.

Даяшы: Басқа ештеңе керек емес пе?

Біз: Қымыз, шұбат болса, ішер едік.

Даяшы: Қымыз да, шұбат та бар, қайсысын әкелейін?

Мен: Маған қымыз әкеліңіз.

Досым: Маған шұбат беріңіз.

Даяшы: Қазір бәрін әкелейін, аз ғана күтіңіздер.

Лезде даяшы қымыз бен шұбат әкелді.

Мен: Мына қымыз нағыз ауылдың қымызындай дәмді екен.

Досым: Шұбат та өте жақсы.

Біз қымыз бен шұбатқа риза болып отырғанда, даяшы тамақ әкелді. Біз тамақтарымызды ішіп, ақшасын төлеп, даяшыға дәмді тамақ үшін рахмет айтып, жұмысқа кеттік.

Сөздік жұмысы

1. Жаңа сөздерді тауып, аударыңыздар. 2. Жаңа сөздерді аудармасымен бірнеше рет оқыңыздар.

3. Жаңа сөздермен сөйлем құрап жазыңыздар.

4-тапсырма. Төмендегі сөздерге фонетикалық (сатылай кешенді талдау) жасаңыздар.

Қымыз, шұбат, дәмді, асхана.

5-тапсырма. Колледж асханасының тәртібімен танысып, етістіктерді тауып, қай шақта тұрғанын анықтаңыздар.

- Колледж асханасын үзіліс кезінде бекітілген кесте бойынша қолдану керек.

- Асханада болғанда студенттердің міндеті:

- «Асханада өзін ұстау нұсқаунамасына сәйкес» өздерін ұстау білулері керек.

- Сыртқы киіммен асханаға кіруге болмайды.

- Ыстық және сұйық тамақ алып жатқан кезде жан-жағына назар аударып абай болулары қажет.

- Асханадан алған тамақты асхананың ішінде ғана жеулері керек.

- Мұғалімдердің немесе асхана жұмыскерлерінің талаптарына бағынулары керек.

- Тамақты кезекпен алады .

- Тамақтанғаннан соң үстелдің үстін жинайды.

- Асхана мүлігін сындырмайды.

- Асхана заттарын сыртқа алып шығуға тыйым салынады.

6-тапсырма. Біліміңізді тексеріңіз. Сөздердің аудармасын жазыңыз. Келер шақ формасындағы етістіктерді пайдаланып, сөйлем құрастырыңыздар.

Сорпа _______ Тауық _______ Ірімшік ______ Қымыз _________ Картоп _______ Бал ________

Шырын _______ Балық ______ Айран _______ Көже _________ Палау ________ Тосап _________

7-тапсырма. Диалогты оқыңыз, жауап беріңіздер. Етістіктің қай шақта тұрғанын анықтаңыздар.

-Үсен, таңғы асқа не жедің?

- .........................................................

- Түскі асқа не ішкің келіп тұр?

- .........................................................

- Кешке не жегенді қалайсың?

- ..........................................................

8-тапсырма. Бағандағы сөздерді тіркестіріп, сөйлемдер құраңыздар. Сөйлемдеріңізді келер шақта жазыңыздар.

Таңертең Ет Же.....

Мен Түсте Сорпа Іш....

Кешке Май

Ұйықтар алдында Шай

Нан

Айран

Картоп

Шұбат

Қымыз

Шырын

Көже

Жұмыртқа

Сүтті шай

9-тапсырма. Сөздерді сәйкестендіріңіздер.

1. Ас қою

2. Сусын кесу

3. Жұмыртқа жасау

4. Тамақ асу

5. Дастарханға пісіру

6. Кеспе қуыру

7. Ет ішу

Ү. Қорытынды: Кері байланыс парағын толтыру.

1. Сабақтан қандай әсер алыңыз?

2.Сабақ барысында қандай қиындықтар туындады?

3.Қай тапсырма орындауда қызықты болды?

4.Біліміңізді қай тапсырманы орындағанда толық жеткізе алдыңыз?

VI. Үй тапсырмасы: Келер шақтың түрлеріне мысалдар жазу. Асханада тақырыбына сөйлесу.

VIІ. Білімді бағалау: Студенттердің білім сапасы мен тіл байлықтарына, ой-пікірлерінің құндылықтарына, жауаптарына орай, білім деңгейін бағалау.

Оқытушы:_______________

Бекітемін: ______________

жүктеу/скачать 58,81 Kb.

Достарыңызбен бөлісу: