Қалыптастырушы бағалауға арналған тапсырмалар жинағы Алгебра 8-сынып Құрметті мұғалім!

Аталған тапсырмалар жинағы білім беру мазмұнын жаңарту аясында мұғалімдерге көмек құралы ретінде құрастырылды. Бұл мұғалімдердің ұжымдық жұмысының нәтижесі. Бағалау критерийі мен дескрипторлары бар тапсырмалар қалыптастырушы бағалауды өткізуге, сабақты жоспарлауға, ұқсас тапсырмаларды құрастыруға және іріктеп алуға, оқу мақсатына жетуге қатысты сындарлы кері байланыс беруге көмектесетін үлгі болып табылады.

Жинақтың ұсынылған сипаты сізге білім алушының қажеттілігі мен мүмкіндігін есепке ала отырып, тапсырмаларға толықтырулар мен өзгерістер енгізуіңізге, бейімдеуіңізге мүмкіндік береді.

Қосымша материалдарды (нұсқаулықтар, таныстырылымдар, жоспарлар және т.б.), форумдағы талқылауларды және бейне нұсқауларды сіз «Назарбаев Зияткерлік мектептері» ДББҰ smk.edu.kz ресми сайтынан таба аласыз.

Жинақ негізгі мектеп мұғалімдеріне, әдіскерлерге, критериалды бағалау бойынша өңірлік және мектеп үйлестірушілеріне, басқа да мүдделі тұлғаларға арналған.

Жинақты дайындау барысында ресурстар (суреттер, мәтіндер, бейне және аудио материалдар, т.б.) қолжетімді ресми интернет-сайттардан алынды. Жинақ коммерциялық емес мақсатта құрастырылған.

Мазмұны

Оқу мақсаты	8.1.1.1 иррационал және нақты сандар ұғымдарын меңгеру
Бағалау критерийі	Білім алушы Рационал және иррационал сандарды ажыратады Нақты сандарды анықтайды
Ойлау дағдыларының деңгейі	Білу және түсіну
Тапсырма Берілген сандардың қай жиынға жататындығын кестеде «+» таңбасын қою арқылы белгілеңіз Сан Рационал сан Иррационал сан Нақты сан 0 2,(3) 5,1121231234... Бос орынды толтырыңыз. Рационал және иррационал сандар жиыны бірігіп ____________ сандар жиынын құрайды. Диаграмманы N және Z жиындарымен толықтырыңыз. Дескриптор: Білім алушы: рационал сандарды көрсетеді; иррационал сандарды көрсетеді; нақты сандарды көрсетеді; сандық жиындар арасындағы өзара байланысты көрсетеді.

1-ТОҚСАН