2. Топырақтың микробтық ластануы. Дәрілік өсімдіктерді өсіру үшін топырақтың жарамдылығын анықтау.
Микроорганизмдердің көпшілігі 10см қалыңдықтағы топырақтың жоғарғы қабатында кездеседі. Тереңдеген сайын микроорганизмдер мөлшері азайып, 3-4метр тереңдікте олар мүлдем кездеспейді.
Топырақ табиғатта микроорганизмдердің тіршілік етуінің шынайы ортасы жәнпе бастапқы резервуары болып табылады азот, көміртек, күкірт, темір және т.б. Олар топырақтың түзілу және өзіндік тазару процесіне белсенді қатысып, табиғаттағы зат алмасуға қатысады. Топырақ таулы ортадан желдің, судың тірі организмдердің және олардың органикалық қосындылардың, яғни өсімдіктермен жануарлардың өнімінен пайда болуынан түзіледі. Топырақ микроорганизмдерінің көпшілігінің pH-ы бейтарап, салыстырмалы жоғары ылғалдықта 25-45С температурада дамуға қабілетті.
Микроорганизмдер өсімдіктердің жапырақтары, сабақтарында ғана емес, тұқымдарында кездеседі. Өсімдіктердің беткейі мен тұқымының бұзылуы, онда көп мөлшерде шаңдар мен микроорганизмдер жиналуы себепкер болады. Өсімдік микрофлорасының құрамы өсімдіктің түріне, жасына, топырақ типі мен қоршаған ортасына байланысты. Топырақта өсімдіктер тамырының маңайында микроорганизмдердің маңызды мөлшері орналасады. Бұл аймақ ризосфера деп аталады. Ризосферада жиі спора түзбейтін бактериялар және де актиномициттер, спора түзетін бактериялар мен саңырауқұлақтар кездеседі.
