Бүйрек ісігінің жүрек ісігінен айырмашылықтары:
1. Бүйрек ісігі тез дамиды, тез тарайды. Жүрек ісігі баяу дамып, баяу тарайды.
2. Бүйрек ісігі көбінесе беттен басталып, барлық ленені қамтиды, жүрек ісігі дененің төменгі бөлігінен басталады (аяқ., т.б.)
3. Бүйрек ісігі жұмсақ, жүрек ісігі тығыз болып келеді.
4. Бүйрек ісігінде бауыр өспейді, жүрек ісігінде бауырдың өсуі жиі болады.
5. Жүрек ісігінде жүрек ауруларының басқа белгілерін, бүйрек ісігінде бүйрек ауруларының басқа белгілерін анықтауға болады
Созылмалы гломерулонефритте науқастың терісінің түсі- терісі бозарған, іскен, ал бүйрек амилидозында- балауыз бозару тән.
Науқасты қарағанда теріде қасыған тырнақ іздері, құрғақ жаймамен қапталған тіл бұл бүйрек жетіспеушілігінің алғашқы белгілері- уремияға тән.
Зақымдалған бүйрек аймағының ісінуі паранефритте анықталады. Қасаға үсті аймағының шығынқы болуын қуықтың несеппен толуында, қуық асты безінің қатерлі ісігімен аденомасында байқауға болады.
Достарыңызбен бөлісу: | 
