Анемияның алдын алу:
1. Бала дүниеге келместен бұрын басталады, яки антенатальды кезеңде аяғы ауыр әйелдің денсаулығын нығайту, анемияның болмауына тырысу, шала туудың алдын алу, дұрыс тамақтанып күн тәртібін сақтау.
2. Бала туғаннан кейін – оны емшек сүтімен қоректендіру, шырындар мен қосымша тамақты уақытылы беру, таза ауада жеткілікті болу, күн тәртібін сақтау, массаж және гимнастика өткізу, әр-түрлі аурулардан сақтандыру.
3. Анемияға бейімді балаларға (шала туған, егіздің сыңары) анемияның алдын алу үшін құрамында темірі бар дәрілер 2-5 айынан бастап беріледі.
4. Баланың 3-6 айында және 1 жасқа толғанда, содан кейін жылына бір рет қанының құрамын тексеріп тұру керек.
5. Учаскелік мед.бикенің ата-аналарымен сауатты өткізген санитарлық-ағарту жұмысының, анемияның алдын алудағы маңызы зор.
Анемиядан арылу жолдары
Анемия немесе қан аздық ауруына бүгінгі таңда көптеген жандар ұшырауда. Дәрігерлердің айтуы бойынша, анемия ауруына қыз-келіншектер мен кішкентай сәбилер көп ұшырайды. Әсіресе, 4,5-5 жастағы балалар көп ауырады. Анемия балалардың бойларының өсуіне, буындарының қатуына, тістерінің дұрыс шығуына кері әсерін тигізеді.
Анемияның белгілері
Егер де теріңіздің бозарғанын, басыңыздың қайта-қайта айналып, ағзаңыздың әлсіреп, көзіңіздің қарауытқанын байқасаңыз, сізге дереу дәрігерге жолығу керек. Сондай-ақ, аяқ-қолыңыз тартылса, ауыз қуысынан жағымсыз иіс шығып, тістеріңіз тазалаған кезде қанаса, денсаулығыңызды тексертіңіз.
Анемия қалай пайда болады?
Анемияның пайда болуына ағзадағы темір мен В12 дәруменінің жетіспеушілігінен, қандағы гемоглобин көрсеткіштігінің төмендігінен туындайды. Сондай-ақ, ацетилин қышқылы немесе ибупрофен дәрілерін жиі қабылдау мен онкологиялық аурулар себеп болады. Кішкентай балаларда анемия инфекциялық аурулардан пайда болады.
Анемия ағзадағы темірдің аздығынан болады. Бұл олқылықты толтыру үшін міндетті түрде, ас мәзіріңізге зер салыңыз. Дұрыс тамақтанбау мен ағзаға кері әсерін тигізетін тағамдармен ауқаттану анемияға жол ашады. Сондықтан да, көп мөлшерде жеміс-жидектер (оның ішінде алма, алмұрт, анар, қарақат, құлпынай т.с.с) мен көкөністер (қызылша, сәбіз, орамжапырақ, көк шөп т.с.с) пайдалану керек. Қызылшаны шикідей үккіштен өткізіп, оған анар мен бал қосып, араластырыңыз. Күніне 2-3 мәрте пайдаланыңыз.
Ас мәзіріңізде әрдайым жұмыртқа, ірімшік, балық, пісірілген ет сияқты тағамдардың болуын қадағалаңыз. Бұл тағамдарды жоғарыда айтылған көкөністер, жеміс-жидектермен бірге пайдалануға болады. Жартылай фабрикаттарға, химиялық және токсиокологиялық заттар көп қослыған тағамдарға, кофе, газдалған сусындарға әуес болмаңыз.Олардың орнына сүт өнімдері мен пайдасы мол ауқаттарды көбірек пайдаланыңыз.
Дәрігерлер жылына екі мәрте қан тапсыру керектігін айтады.Денсаулығыңызға салғырт қарамай, уақытылы ем қабылдасаңыз, кез келген аурудың алдын ала алатындығыңызды естен шығармаңыз.
Достарыңызбен бөлісу: |
