Оқытудың технологияларына байланысты негізгі ұғымдар
Академиялық күнтізбе (Academic Calendar) – оқу жылы барысындағы демалыс күндері (демалыс және мерекелер) көрсетілген оқу және бақылау шараларын, іс-тәжірибелерді өткізу күнтізбесі.
Администратор - қашықтықтан оқытуды автоматтандырылған сүйемелдеу - "Факел-2 "қашықтықтан оқытуды автоматтандырылған сүйемелдеу "ЭЕМ-ге арналған бағдарламаның жұмыс істеуін және деректер базасының толтырылуын бақылауды жүзеге асыратын маман.
Академиялық ұтқырлық – студенттер немесе оқытушы-зерттеушілердің білім алу және зерттеу жұмыстарын жүргізуге байланысты өз ЖОО-да кредиттік жүйеге негізделген білім беру бағдарламасының міндетті қайта сынақтан өту тәртібіне сәйкес белгілі бір академиялық кезеңге, әдетте бір семестрге не оқу жылына (оқу немесе өндірістік іс-тәжірибе кезінде де) басқа жоғарғы оқу орнына (ел ішінде немесе шетелге) ауысуы.
Академиялық дәреже (Degree) – қорытынды аттестаттау нәтижесі бойынша білім беру ұйымы ұсынатын білім алушылардың тиісті оқу бағдарламаларын меңгеру дәрежесі.
Академиялық кезең (Term) – білім беру ұйымы таңдаған семестр, триместр, квартал сияқты үш оқу түрінің біріндегі теориялық оқу кезеңі.
Академиялық еркіндік –білім беру үдерісі субъектілерінің білім алушылар мен оқытушылардың шығармашылығын дамыту және оқытудың инновациялық технологиялары мен әдістерін қолдануға негізделген білім беру мазмұнын құрайтын таңдау компоненті пәндерін, оқытудың қосымша түрлері мен білім беру қызметін ұйымдастыруды өз еркімен анықтау үшін берілетін құзырлық жиынтығы.
Академиялық сағат - 1 контактілік сағатына (50 минут) тең.
