«Ақпаратты Қазақстан 2020» мемлекеттік бағдарламасын іске асыру жөніндегі есеп»

ҚР Мәдениет және спорт министрілігімен арадағы 2016 жылғы 28 наурыздағы № 165 келісімшарт негізінде «Жасыл Орда» ЖШС 2016 ж. «Мәдени мұра» веб-порталын контентпен толтыру және оны техникалық сүйемелдеу бойынша қызмет көрсетті. Келісімшарт бойынша веб-порталдың жұмысын қамтамасыз етуге 1993,6 мың теңге қаржы бөлінді.

Серіктестік порталда тарихи-мәдени мұра, өнер және мәдениет тақырыбындағы мақалалар мен жаңалықтар (қазақ, орыс, ағылшын тілдерінде) жариялады.

Жаңалықтардың қатарында «Жидебай-Бөрілі», «Әзірет Сұлтан» қорық-мұражайларында және басқа да тарихи-мәденимұраны сақтау және қорғау ұйымдарында өткізілген мәжілістер туралы хабарлар, сондай-ақ, Ақтөбе облысы мен Шығыс Қазақстан облысындағы Шілікті Сақ қорғандары бірегей археологиялық олжалар жайлы, Оңтүстік Қазақстан облысындағы археологиялық қазбалар, Қазақстан Республикасы Ұлттық мұражайының Шыңғыстаудағы ғылыми-зерттеу экспедициясының өткізілгені, Жамбыл облысының тарихи және мәдени ескерткіштеріне ғылыми - қалпына келтіру жұмыстары туралы жаңалықтар мен мақалалар бар.

Сонымен бірге, Қазақстан Республикасы Тәуелсіздігінің 25 жылдығы аясында өткен шаралар, атап айтқанда, Абай атындағы Мемлекеттік академиялық опера және балет театрының Грекия мемлекетінің астанасы Афины қаласына жасаған гастрольдік сапары, «Ежелгі Тараз ескерткіштері» тарихи-мәдени қорық-музейінде өткізілген «Тәуелсіздік–тұғырым, Қазақ хандығы-ғұмырым» атты мәдени-көпшілік іс-шара, ҚР Ұлттық кітапханасының Отырар мемлекеттік археологиялық қорық-мұражайымен бірігіп өткізген «Шежірелі отырар» жылжымалы көрмесі, ҚР Мемлекеттік Орталық музейінде өткен «Қазақ көтерілістері. Азаттық мұраты», «Адамзаттың Абайы» атты көрмелері, ҚР Ұлттық музейінің өткізген фотокөрмесінің ашылуы туралы жаңалықтар мен мақалалар жарияланды.

Сондай-ақ, ҚР Ұлттық музейі ұйымдастырған ел ішіндегі мәдени тур туралы, Шығыс Қазақстанда өткізілген Қазақстанның суретшілері симпозиумы, «Астана Опера» гастрольдері және өзге де елімізбен, шетелде ұйымдастырылған шығармашылық ұйымдардың кештері, Ұлттық Хореография академиясының салтанатты ашылу рәсімі, және т.б. жаңалықтар орналастырылды.

Сонымен бірге, веб-порталда Б. Эйфман атындағы Санкт-Петербург академиялық балет театрының елімізге жасаған гастрольдік сапары, «Астана Опера» театрының Камералық залында өткен композитор әрі дирижер В. Соболевтің (Санкт-Петербор, Ресей) «Абай тақырыбына экспромт» атты музыкалық пьесасының әлемдік тұсаукесері сияқты шетелдік өнер ұжымдарының елімізде өткізген мәдени шараларына қатысты мәліметтер жарияланды.

Сонымен бірге, порталдан еліміздегі кино саласының жеткен жетістіктері туралы ақпаратты, атап айтқанда Ш. Айманов атындағы «Қазақфильм» АҚ жарыққа шығарған «Құнанбай» фильмінің Уфа қаласында (Башқұртстан) өткен «Күміс Ақбозат» атты ІІІ Халықаралық ұлттық және этникалық кинофестивалінде Әмір Әбдіразақов атындағы «Ұлттық рух» жүлдесімен марапатталуы, Францияда дүние жүзіне әйгілі XXIV Ресейлік кино фестивалі аясында ҚР Президенті Н. Назарбаевтың өмір жолына арналған С. Снежкиннің «Жұлдыздар тоғысқанда» фильмінің көрсетілімінің өтуі туралы ақпарат бар.

Сонымен қатар, порталда Моцарттың, А. Құнанбаевтың, И. Есенберлиннің, Ж. Жабаевтың, С. Калмыковтың, С. Нарыновтың, Қ. Мұхамедхановтың және басқа да атақты тұлғалардың мерейтойлары мен шығармашылығына қатысты, Министрліктің «ЭКСПО-2017» халықаралық көрмесіне жүргізіп жатқан дайындығы бойынша жаңалықтар жарияланды.

Ұлттық электронды кітапхананың 2016 жылдың қорытындысы бойынша қатысушылар саны - 100 мыңнан астам адам. Сонымен қатар, жүйені 120 мемлекеттен келушілер қолданды.

Ұлттық электронды қорды толтыруға, 2016 жылы қортынды бойынша цифрлік формат – 8 мыңнан астам бірл. құрайды.

Жалпы электрондық қор 2016 жылы бойынша 30,3 мыңнан астам құрайды.

2016 жылы 91,4 млн. теңге жоспарланып, игерілген.

«Құжаттардың бірыңғай электрондық мұрағаты» ақпараттық жүйесінің Техникалық-экономикалық негіздемесі әзірленіп, «Қазақстандық мемлекеттік-жеке меншік әріптестік орталығы» акционерлік қоғамымен келісілді.

Осыған орай, Республикалық бюджеттік комиссиямен 1,661 млн. теңге көлемінде қаржы бөлінді (2016 жылға – 554,6 млн. теңге, 2017 жылға – 497,7 млн. теңге, 2018 жылға – 609,5 млн. теңге).

Алайда, Республикалық бюджеттің шығыстар бөлігін оңтайландыруға байланысты Республикалық бюджеттік комиссияның 2015 жылғы 17 ақпандағы № 2 хаттамалық шешімімен Құжаттардың бірыңғай электрондық мұрағаты ақпараттық жүйесін әзірлеуді қаржыландыру мәселесі алынып тасталды (хаттаманың 2.2 - тармағы).

«OTAU-TV» спутниктік Ұлттық жүйесін қолданушылар саны 2016 жылдың 31 желтоқсанында 1 236 048 абонентке жетті.

Ұлттық спутниктік телерадио хабарларын тарату желісінде теле-, радиоарналарды таратуды қамтамасыз ету мақсатында, Қоғам 36 МГц ресурсы бойынша «KazSat-3» спутнигінің В4, В6 және В10 транспондерін және 54 МГц ресурсы бойынша «KazSat-2» спутнигінің Т09 және Т015 транспондерін жалға алады.

Бұл ретте, Ұлттық спутниктік телерадиохабарларын тарату желісінде мемлекеттік республикалық және облыстық теле-, радиоарналарды тарату үшін «Kazsat-290 ҒА МГц спутниктік ресурс пайдаланылады, тікелей спутниктік хабар тарату желісінде еркін қолжетімді теле-, радиоарналарды тарату үшін - «Kazsat-3» ҒА. 47,5 МГц, цифрлық эфирлік хабар тарату желісінде теле-, радиоарналарды жерсеріктік таратуды резервтеу үшін - 17,1 МГц.

Спутниктік телерадио хабарларын тарату.

2011 жылғы18 қаңтарда республика тұрғындарына 41 қазақстандық және еркін қолжетімді көрсетіліммен аймақтық теле-, радиоарналарды жаппай тегін қабылдауға алғаш рет мүмкіндік берген DVB-S2, MPEG-4 «OTAU-TV» стандартындағы Спутниктік теларадиохабарларын таратудың ұлттық желісі пайдалануға енгізілді, 2016 жылдың 31 желтоқсандағы нәтижесі бойынша «OTAU-TV» Спутниккік жерсеріктік телерадиохабарларын таратудың тікелей желісін пайдаланушылар саны 1 236 048 қосылуды құрайды.

Аналогтық эфирлік телерадио хабарларын тарату.

Қазіргі таңда республикалық деңгейде телевизия және радиохабарларын тарату арқылы мемлекеттік ақпараттық саясатты жүргізудің мемлекеттік тапсырмасын іске асыратын телевизиялық және радиохабарларын трансляциялаудың республикалық аналогтық желісі телевизиялық және радиохабарлар бағдарламаларымен республика тұрғындарын келесі қамтулармен қамтамасыз етеді:

- «Қазақстан» телевидениесінің бағдарламасымен - 98,73 %;

- «Хабар» телевидениесінің бағдарламасымен - 97,25 %;

- «Хабар 24» телевидениесінің бағдарламасымен - 89,41%;

- «Евразия бірінші арнасы» телевидениесінің бағдарламасымен - 84,51 %;

- «Қазақ радиосының» бірінші бағдарламасымен– 88,74 %;

- «Шалқар» радиосы бағдарламасымен -62,04 %.

Бұдан басқа, Қоғам республикалық және аймақтық теле-, радиоарналарды таратуды қамтамасыз етеді.

Қазақстан Республикасында телевизиялық хабар таратуларды цифрлық стандартқа ауыстыру жоспарына байланысты, соңғы бірнеше жыл ішінде аналогтық хабар таратулар кеңейтілмеуде.

2015-2012 жылдар мерзімінде өткізілген мемлекеттік сарап негізінде ТЭН 356 РТС-тық (Астана, Алматы, Жезқазған, Жанаөзен қалалары, оюлыстық орталықтарда, Манғыстау облысы бойынша, сонымен қатар Алматы, Жамбыл, Шығыс-Қазақстан, Оңтүстік-Қазақстан облыстарының шекаралас райондарында), оның ішінде 20 РТС «Казтелерадио» АҚ-ның өз есебінен құрылуы және жаһандануы қамтамасыз етілген.

Қорытындылай, 2016 жылы 356 РТС-тың жалпы саның есептей, ЦЭТХТ халықты қамту 77,5% немесе 12,4 млн.адам құрады. Цифрлық эфирлік телерадио хабарларын таратуда облыстық орналықтар деңгейінде және Астана, Алматы қаларында 30 телеканалдарға дейін, район орталықтарында және ауылды мекендерде 15 телеканалдарға дейін қарастырылды.

2016 жылы І тоқсанда 2016 жылғы 09 наурыздан 12 наурызға дейінгі кезеңде «Хабар» арнасы бағдарламалар өндірісі дирекциясының бас продюсері – Ринат Думанұлы Кертаев Түркітілдес халықтар ынтымақтастығы кеңесінің Ақпарат және БАҚ мәселелері жөніндегі V отырысына қатысты. Өткен орны: Ыстамбұл қ. (Түрік Республикасы).

2016 жылы ІІ тоқсанда 2016 жылғы мамырдың 09-нан 18-не дейінгі кезеңде «Хабар» арнасы бағдарламалар өндірісі дирекциясы бағдарламалар өндірісі бөлімінің редакторы Хасан Галимович Ташенов ABU 2-ші Медиа саммитіне қатысты.

2016 жылы ІІІ тоқсанда 2016 жылғы қыркүйектің 8-нен 16-на дейінгі кезеңде Қоғамның техникалық дирекциясы директорының орынбасары – Ирина Александровна Голотовская International Broadcasting Convention – 2016 көрмесіне барды. Өткен орны: Амстердам қ. (Нидерланд).

2016 жылы IV тоқсанда 2016 жылғы 29 қыркүйектен 4 қазанға дейінгі кезеңде Қоғамның Басқарма төрайымы Алмагүл Ауғалиқызы Ахметжанова, Қоғамның «Хабар» арнасының директоры – Сандуғаш Нұрабайқызы Рақымжанова «Алтын көз» халықаралық теле және кино операторлар фестиваліне қатысты. Өткен орны: Батуми қ. (Грузия Республикасы).

2016 жылы қазанның 16-нан 21-не дейінгі кезеңде Қоғамның «Хабар» арнасының директоры – Сандуғаш Нұрабайқызы Рақымжанова, Қоғамның «Хабар» арнасы кинокөрсетілім және дистрибуция бөлімінің басшысы Динара Жаңатайқызы Абакаева, «Хабар» арнасы кинокөрсетілім және дистрибуция бөлімінің халықаралық мәселелер менеджері Дания Әлібекқызы Танақұлова Халықаралық телевидениеге арналған фильмдер мен бағдарламалар өндірушілерінің кинонарығына қатысты.

Өткен орны: Канн қ. (Француз Республикасы).

2016 жылы қазанның 19-нан 22-не дейінгі кезеңде Қоғамның басқарушы директоры Светлана Васильевна Фёдорова Орыс баспасөзінің бүкіләлемдік ассоциациясының конгресіне (ВАРП) қатысты. Өткен орны: Париж қ. (Француз Республикасы).

2016 жылы қазанның 26-нан 28-не дейінгі кезеңде Қоғамның «Хабар» арнасының директоры – Сандуғаш Нұрабайқызы Рақымжанова «СТС Медиа» холдингінің жаңа маусымының ашылу презентациясына қатысты.

Өткен орны: Мәскеу қ. (Ресей Федерациясы).

2016 жылы қарашаның 02-нен 04-не дейінгі кезеңде Алматы филиалы "Kazakh TV" арнасының бас редакторы - Жанна Мухитовна Синельникова Орыс әлемінің Х ассамблеясының жұмысына қатысты.

Өткен орны: Мәскеу қ. (Ресей Федерациясы).

Қарашаның 09-нан 24-не дейінгі кезеңде «Хабар» арнасының бас продюсері Айдос Ракымжанұлы Тұрысбек Астана-Пекин-Далянь-Шэньян-Чанчунь-Харбин-Сиань-Алматы-Астана бағыты бойынша баспасөз турына қатысты.

Қарашаның 15-нен 19-на дейінгі кезеңде «Хабар» арнасының бас режиссері теле, радио-, интернет таралым мен киноөндіріске арналған "NATEXPO" Халықаралық кәсіби жабдықтар мен технологиялар көрмесіне қатысты.

Өткен орны: Мәскеу қ. (Ресей Федерациясы).

2016 жылы қарашаның 13-нен 17-не дейінгі кезеңде «Kazakh TV» арнасының бас продюсері Айкүміс Сәулетқызы Сексенбаева және «Хабар» арнасы халықаралық мәселелер менеджері Анар Ескендірқызы Какимова World Content Market Бүкіләлемдік көрмесіне қатысты.

Өткен орны: Мәскеу қ. (Ресей Федерациясы).

2016 жылғы қарашаның 14-нен 20-на дейінгі кезеңде «Хабар 24» арнасының директоры Арман Балтабайұлы Сейітмамыт Жаңалық агенттіктерінің бүкіләлемдік конгресіне қатысты.

Өткен орны: Баку қ. (Әзірбайжан Республикасы).

2016 жылғы 29 қарашадан 03 желтоқсанға дейінгі кезеңде интернет жобалар дирекциясының директоры Ирина Петровна Тетерина Digital және жаңа масс-медиа бойынша халықаралық конференцияға және Russia Today, Mail.ru басшылығымен кездесуге қатысты.

Өткен орны: Мәскеу қ. (Ресей Федерациясы).