Ақпараттық-есептеу жүйелері кафедрасы «Ақпараттық жүйелер» мамандығының студенттеріне арналған «1С бағдарламалау» пәні бойынша

1С:Предприятие платформасының 8.2 нұсқасы 6 жылдық 1С:Предприятие 8.0 бағдарламалар жүйесін қолдану тәжірибесі негізінде құрылды. 2-суретте 1С:Предприятие платформасының жалпы архитектурасы көрсетілген.

• 
  Интернационалдылық – 1С:Предприятие жүйесінде әр түрлі тілдердің қолдауы конфигурациялардың және мәліметтер қорының мәтіндері UNICODE форматында сақталғандықтан іске асып отыр. Бұл формат кез келген мәтіндік ақпаратқа түрлі тілдердің белгілерін де қосуға мүмкіндік береді. Осылай, қолданушы мәліметтерді әр түрлі тілдерде енгізе алады. Мысалы, тауар сипаттамасын немесе келісім-шарт мәтінін өндіруші мемлекет тілінде қосу керек болса. 1С:Предприятие жүйесінде көп тілді қолданбалы шешімдерді құру мүмкіншілігі қарастырылған. Құрушы бір мезгілде бірнеше тілде конфигурация құра алады.
  

Сурет 2. 1С:Предприятие жүйесінің жалпы архитетурасы

• 
  Интерфейстік механизмдер – 1С:Предприятие жүйесінде қазіргі заманғы интерфейс дизайны жүзеге асырылған. Интерфейстік механизмдердің негізгі қолданылуы қолданушы мен қолданбалы шешім арасында өзара қарым-қатынас орнату болып табылады;
  
• 
  Қолданбалы механизмдер – қарастырылып отырған жүйенің қолданбалы механизмдерінің құрамы кәсіпорынды басқаруды автоматтандыру есептерін шешуге бағытталған. Құрушы үшін мәселелі-бағытталған объектілерді қолдану кең көлемді, бухгалтерлік, қоймалық, басқарушылық, мәліметтерді талдау, бизнес-үрдістер деңгейінде басқару сияқты есептерді шешуге мүмкіндік береді;
  
• 
  Ортақ механизмдер – 1С:Предприятие жүйесі негізінде қолданбалы шешімдер құру тұжырымдамасын анықтайтын механизмдер қатары бар. Мұндай механизмдердің бар болуы қолданбалы шешімдерді құру және ендірудің технологиялық мүмкіндіктерін бизнес-сызбамен максималды сәйкестендіруге мүмкіндік береді;
  
• 
  Экономикалық және аналитикалық есеп беру – басу формасын қалыптастыруға мүмкіндік беріп қана қоймай, қолданбалы шешіммен тығыз жинақталған интерактивті құжатты қалыптастыратын құралдар комплексін ұсынады. Қолданушы кез келген экрандық формамен қалай жұмыс істесе, есеп берумен де дәл солай жұмыс істей алады;
  
• 
  Web-кеңейту – технологиялық платформа құрамына кірсе де жеке бағдарламалық өнім ретінде жабдықталады. Ол Web-сайттарға кірістіру арқылы 1С:Предприятие мәліметтеріне қатынауды ұйымдастырады. Сонымен қатар, 1С:Предприятиенің ақпараттық қорын қолданып Web-қосымшаларын құруға мүмкіндік береді;
  
• 
  Қатынау құқығы жүйесі – қызмет түріне немесе қолданушы лауазымына сәйкес құқықтар жинағын сипаттауға мүмкіндік береді. Сонымен қатар, мәліметтер қорында сақталған объектілер үшін жеке өрістер мен жазуларға қатынау құқығын анықтауға болады;
  
• 
  Масштабталулық – қолданбалы шешімнің жұмысының әр түрлі, бірқолданушылыдан бастап, үлкен жұмыс топтарымен жұмыс істейтін нұсқаларды қамтамасыз етеді;
  
• 
  Пайдаланушы жұмысы – қазіргі заманғы интерфейс дизайнын бастаушылар үшін жеңілділікті және тәжірибелілер үшін жоғарғы жылдамдықты жұмысты қамтамасыз етеді;
  
• 
  Мәлімет алмасу – 1С:Предприятие ақпараттық қоры негізінде және басқа ақпараттық жүйелер негізінде құрылған аумақтық үлестірілген ақпараттық жүйелер құруға мүмкіндік береді. Мысалы, кәсіпорынның негізгі кеңсесін, филиалдарын, қоймаларын ортақ ақпараттық қор ретінде немесе 1С:Предприятие ақпараттық қоры мен Oracle ақпараттық қоры араларында өзара әрекеттестік ұйымдастыруға болады;
  
• 
  Әкімшілік ету құралдары – қолданбалы шешімнің әкімгеріне қолданушы жұмысын басқару үшін және әрекеттерді бақылау үшін кең мүмкіндіктер ұсынылады;
  
• 
  Құру құралдары – 1С:Предприятие технологиялық платформасы жаңа қолданбалы шешімдерді құратын немесе бар қолданбалы шешімдерді өзгертетін құру құралын қамтиды. Бұл құрал стандартты 1С:Предприятие жабдығына кірістірілгендіктен, қолданушы өз бетімен қолданбалы шешім құра алады.
  

• 
  есептік мәліметтер құрылымы, оларды енгізу, таңдау және басып шығару формалары;
  
• 
  қорытынды мәліметтер есебінің механизмдерінің және есептік мәліметтер қозғалысының құрамы;
  
• 
  түрлі есеп берулердің құрамы;
  
• 
  қолданушылық интерфейстердің жинағы;
  
• 
  рөлдер жинағы (қатынау құқығы);
  
• 
  ортақ процедуралар, функциялар, кестелі құжат макеттері және т.б. жинағы.