Қар дегеніміз не?

Қар тек аязда ғана сықырлайды. Оның сықырының үндестілігі ауа температурасына байланысты. Аяз қатты болған сайын, сықырлаудың үні басым болады. Қар сықыры – бұл қардың сынған ұсақ кристалдарының дыбысы. Олардың жеке дыбыстары адам құлағына естілмейді, ал бәрінің жиынтығы бізге естіледі.

Шанамен қарда сырғанау үшін дөңгелекпен қозғалғанға қарағанда 10 есе аз күш жұмсалады. Шана немесе шаңғы табанына қысым түскенде және үйкелгенде қардың үстіңгі қабатындағы бөлшектері еріп, одан пайда болатын су қабыршығы оларды майлайды. Сол себепті қардың тайғанақтығы қар температурасына және қозғалу жылдамдығына байланысты. Құрғақ қардың бетімен 0°C-қа жақын температурадағы сырғанауда үйкеліс өте аз болады.