1984 жылы “Мұрағаттар мен құжаттар әкімшілігі туралы”актісі шықаннан кейін АҚШ архив ісі заманауи атауға ие болды. Нәтижесінде Ұлттық мұрағаттар мен құжаттама басқармасы (National Archives and Records Administration – NARA) құрылды. 1985 жылдан бастап NARA тәуелсіз атқарушы мәртебесін алды, дегенмен АҚШ Президенті мен конгресіне бағынатын федералды орган болды.
Президенттік жазбалар туралы заң 1955 жылы қабылданды, бірақ ол заңда президенттердің өз құжаттарын мемлекетке өткізуі жайлы міндеттер жазылмады.Заңға сәйкес бірінші болып Гарри Труман (1957), Дуайт Эйзенхауэр және Герберт Гувер (1962) кітапханалары құрылды. 1971 жылы Линдон Джонсон өзінің жеке кітапханасын ашты.
1978 жылға дейін АҚШ президенттері жасаған құжаттар олардың жеке меншігі болып саналды. Бұл саладағы өзгерістер 1972-1974 жылдардағы Уотергейт жанжалынан кейін болды. Отставкаға кеткеннен кейін президент Ричард Никсон осы жанжалға қатысты бірқатар жазбаларды жойғысы келді. 1974 жылы Конгресс осы материалдарды сақтау және оларды Ұлттық мұрағатқа орналастыру мақсатында Президенттік жазбалар туралы заң қабылдады.
