Асыл сөзді іздесең (Абай Құнанбайұлының шығармашылығы жайлы)

Асыл сөзді іздесең,

Абайды оқы, ерінбе!

С.Торайғыров

Абай – ұлы тұлға! Абай шығармашылығы әдебиетте ойып орын аларлық дүние. Артық білім іздесең Абайды біл,оқы,таны. Әлем мойындаған Абайды қазақ ақындарының биік шыңына теңейміз. Қаламы ұшталған ақын елді сынап, түзетуге көп көңіл бөлген. Әр сөзінде жүз тағдырға жетерліктей ақыл тұнып тұрған сөз шебері. Абайдың шығармашылығын оқу жан-ләззәті. Жүрекке азық ала отырып, сөздерінен мол тәрбие мен өшпес білімнің нәрімен сусындауға болады. Ұлты үшін туған ақын өз артынан сан-мыңдаған ғасырларға өнеге болатындай із қалдырды. Зор интеллект пен өзгеге деген интелегенцияның шам шырағы. Шығармаларының әр қайсысы өз нақышына, сарынына түсе білген. IXI-XX ғасырларда актуалды болған, өзекті өртеген тақырыптарды өзінің қара сөздерінде талдап, талғап һәм сынап өткен. Қара сөздерінің идеялық маңызы әр түрлі тақырыпта өрбіген. Рухани, материалдық, моральдық мәселелер талқыға салынды. Озық ойлы білімдіміз халық санасына әсер ету үшін қандай шығармалар жазды? Айрықша назар аударған мәселелері? Абай қара сөздерінде қандай тақырыпты қозғады? Қазіргі жастар тәлім аларлықтай сөз қалды ма?

Кеменгер, дара тұлғаның қара халықтан үлкен айырмашылығы бар: өзінің іс- әрекетін, барша ғұмырын өткінші қызықтың, жеке бастың қамын емес, мәңгілік құндылықтарға арнайды. Абай да өмірін жалпы адамзаттық аңсарларға бағыттады.

«Алланың өзі де рас, сөзі де рас,

Рас сөз еш уақытта жалған болмас.»

«Жүректің ақыл суаты,

Махаббат қылса Тәңірі үшін»- деп Абай жоғарыда айтылғандай мәңгілік құндылықтарға ғұмырын арнады. Мәңгілік құндылықтар дегеніміз ізгі қасиеттер, сауап, жақсылыққа толы ғұмыр. Абай Құнанбайұлы көпшілік жазбаларында шариғатқа шақырады.

«Орынсыз ыржаң,

Болымсыз қылжаң,

Бола ма дәулет, нәсіп бұл?»

Абай «Сегізаяқ», «Жігіттер ойын арзан, күлкі қымбат», тағы сол секілді өлеңдерінде, қара сөздерінде болмашы дүние қызығына бет бұрмай, мәңгілік дүниеге көңіл аударады.