2.8 Cәулеттік (архитектура) жанры Cәулеттік (архитектура) жанрды тарихтың өзінің даму жолында қойып
кетіп жатқан белгілері деп атасақ болады. Біздің өміріміздің бір бөлшегіне
айналып кеткен ғимараттар мен құрылыстар фото түсірілім үшін ең
қолжетімді нысаналар болып табылады. Сәулеттік стиль өзінің ерекшелігі,
қайталанбастығы, тарихи құндылығы арқылы фотошебер үшін өзінің
шығармашылық ойын білдіруге зор мүмкіндіктер береді. Сонымен қатар,
дәл осы сәулет туындылары өзінің қозғалмайтындығы, фотоға жақсы
түсірілетіндігі, әсемділігі себепті ең алғашқы фотографтардың назарын
аударған. Дагеротипияның дүниеге келгеніне көп уақыт өтпей жатып
алғашқы фотографтар әлемнің көптеген елдеріне барып әсем ғимараттарды
түсіруді бастап кеткендігінен-ақ архитектуралық жанрдың ең тұңғыш фото
жанрлардың бірі екендігін көреміз.
