Атырау облысы Тілдерді дамыту жґніндегі басќармасы

Тыңдай білуде адам мына нәрселерді басты назарда ұстағаны абзал:

1. 
   Кісімен сөйлескен кезде оның жүзіне сыпайылықпен назар сап, айтайын дегенін сабырмен тыңдап, асықпай, сөзінің аяғын күткен дұрыс.
   
2. 
   Сөйлесіп тұрғанда ықылассыз тыңдау, мән бермей басқа жаққа назар салу, теріс айналу, сағатқа қарау, әдейі шыдамсыздану, асығыстық жасау әдепсіздік болады.
   
3. 
   Өзге адамдардың сөзіне рұқсатсыз араласпаған жақсы. Ал егер сондай қажет болса, «кешіріңіз» немесе «ғафу етіңіз, сөзіңізді бөлейін деп тұрмын», «сөзіңізді бөлуге бола ма?» деген сөздермен сөйлесіп отырғандардан рұқсат сұраған жөн. Бұл әдептілікті бідіреді.
   
4. 
   Әңгімелескен, сөйлескен адам өзің келіспейтін пікір айтып отырса да, оны шыдамдылықпен тыңдай білу керек. Адамның ойы таласпен, қарсы пікір айтумен бірге жүреді. Сондықтан пікірталаста байсалды болып, көңіл күйіңді орнықты ұстауға тырыс. Ондайда сөзің, пікірің тиянақты, түйінді болып, ізгілікке, әділдікке сай келетін болсын.