Аудан әкімінің 2013 жылдың қорытындылары бойынша аудан тұрғындарымен есепті кездесуінде сөйлеген сөзі
жүктеу/скачать 0,64 Mb.
|
| Тұрғын үйлерді пайдалануға беру бойынша 2013 жылы 17 559 шаршы метр тұрғын үй іске қосылды, бұл 2012 жылмен салыстырғанда 100,9 пайызды құрады. Оның ішінде мемлекеттік меншік 0,8 пайызды( 138 шаршы метр) құраса, жеке меншік 99,2 пайызын (17 421 шаршы метр) құрап отыр.
2008 – 2013 жылдар аралығында Жосалы кентінің Бас жоспары мен 13 елді мекендердің даму сызбалары дайындалып, аудандық мәслихат шешімдері мен бекітілген. 2012 жылы аудандық бюджеттен бөлінген 6300,0 мың теңгеге ІІІ Интернационал елді мекенінің даму сызбасымен Жосалы кентінің Мөлтек шағын ауданы аумағынан 51 га жерге түбегейлі жоспарлау жобасын Қызылорда қаласындағы «Сартөбе» ЖШС дайындап беруі керек еді, алайда аталған жобалар осы кезге дейін дайындалып берілген жоқ, ісі Қызылорда мамандандырылған экономикалық сотында қаралып, таяу арада дайындап беру міндеттелінді. 02.07.2012 жылы аудан әкімінің №32-Ө санды өкімімен аудан бойынша қала құрылыстың регламенті талаптарының сақталуын анықтау туралы комиссия құрылды. Жасалынған іс-шараға сәйкес рұқсатсыз құрылыстар салу, нысандардың сәулеттік келбетін бұзу, жер учаскелерін рұқсатсыз пайдалану, қызыл сызықты сақтамау және басқа да заң бұзушылықтарды анықтау мақсатында тексеру жұмыстары жүргізіліп, тәртіп бұзушы 13 жеке тұлғаға ГАСК арқылы шара көрілді. Бұл жұмыстар жүйелі түрде жүргізіле береді. 2013 жылы аудандық бюджеттен 2675,0 мың теңге бөлініп, оған Қорқыт және Диірментөбе темір жол бекеттеріндегі елді мекендердің даму сызбалары «Мұнай Инжиниринг» ЖШС дайындауда. Бүгінгі уақытқа аудан бойынша бас жоспары дайындалмаған Төретам кенті. Төретам кентінде жаңа қоныстану аумағына жер көлемі болмағандықтан қиындықтар туғызуда. Төретам кентінің маңындағы жер көлемдері Ресей Федерациясына ұзақ мерзімге жалға берілген. Бұл жер мәселесі екі ел басшыларының келісімдері арқылы шешілетін болғандықтан, әзірге өзекті мәселе қалпында қалып отыр. жүктеу/скачать 0,64 Mb. Достарыңызбен бөлісу:
|