Ақпараттық жасақтама (Информационное обеспечение;information support) – автоматтандырылған жүйеде пайдаланылатын ақпаратты топтастыру мен кодтау жүйелерiнiң, құжаттаудың үйлестiрiлген жүйелерi мен ақпарат жиымдарының бiртұтас жиынтығы. Ол сыртқы және iшкi ақпараттық жасақтама болып екi түрге бөлінедi.
Ақпараттық желi (Информационная линия;information line) – компьютердің енгiзу-шығару тұрақты интерфейсiнде – мәлiметтердi арнадан сыртқы құрылғыларды басқару құрылғысына және одан арнаға жеткiзуге арналған желi түрi.
Ақпараттық желі –Информационная сеть–мәліметтерді өңдеуге, сақтау мен жеткізуге арналған желі.
Ақпараттық жиым (Информационный массив;information array) – сақтауыш құрылғыда сақталатын мәлiметтер жиынтығы.
Ақпараттық жүйе (Информационная система;information system) – қойылған мақсатқа жету жолында ақпаратты сақтау, өңдеу және басқаларға жеткiзу үшін пайдаланылатын құралдардың, әдiстердің және адамдардың өзара байланысты жиынтығы.
