БАЛТЫРДЫҢ ҮЛКЕН ЖІЛІГІ –жоғарғы эпифизі жуандаған медиаль және латераль айдаршықтар және айдаршық үсті бар. Айдаршық үсті тегіс, бұған сан сүйегінің айдаршықтары жанасады. Латераль айдаршығының төменгі жағында балтырдың кіші жілігінің басы келіп бірігетін ойық бар. Денесі үш қырлы, оның 3 шеті, 3 беті бар.Алдыңғы қыры терінің астында білініп тұрады. Латераль қыры қабыршық арқылы балтырдың кіші жілігімен бірігеді. Төменгі эпифизінде өкше сүйегіне қараған буын беті мен медиаль тобық өсіндісі бар.
БАЛТЫРДЫҢ ҮЛКЕН, КІШІ ЖІЛІГІ
(алдынан көрініс)
1 — балтырдың айдаршық аралық үсті; 2 — балтырдың үлкен жілігінің жоғарғы
буын беті; 3 — медиаль айдаршық; 4 — латераль айдаршық; 5 — балтырдың кіші жілігінің басы; 6 — балтырдың үлкен жілігінің томпағы; 7 — балтырдың үлкен жілігінің сүйек
БАЛТЫРДЫҢ КІШІ ЖІЛІГІ- үлкен балтыр сүйегінің сыртқы жағында, жіңішке сүйек. Жоғарғы эпифизі жуандаған, балтырдың үлкен жілігіне жанасатын буын беті бар. Төменгі эпифизі өкше сүегіне сәйкестеніп ойықтанып келген. Одан терінің астынан білініп тұратын аяқтың сыртқы(латераль) тобығы пайда болады.
АЯҚ БАСЫНЫҢ СҮЙЕКТЕРІ- үш топқа бөлінеді. 1.тілерсек сүйектері – майда сүйектер. Олар өкше, текше, қайықша, 3-еуі сына, топай сүйектері; 2. табан сүйектері – қатар орналасқан 5 түтікше сүйектерден тұрады. Олардың басымен бақай сүйектері буындасады. 3. бақай сүйектері – үш сүйектен тұрады. Тек үлкен башпайда ғана екі сүйек болады.
1 — топай сүйек үсті; 2 — топай сүйек; 3 — топай сүйек басы; 4 — қайықша сүйек; 5 — сына сүйектері; 6 — табын сүйектері; 7 — башпай сүйектері; 8 — өкше сүйек; 9 — өкше сүйек үсті
