Аяққапқа ою тігу I. Сабақтың тақырыбы: Аяққапқа ою тігу

«Абай ауылындағы орта мектеп»мектепке дейінгі шағын орталықпен КММ.

Технология пәнінің мұғалімі:Бектемисова Раиса Даркенбаевна.

Аяққапқа ою тігу

I.Сабақтың тақырыбы:Аяққапқа ою тігу.

II.Сабақтың мақсаты:

Білімділік:Аяққапқа ою тігу,әшекейлеу ұлттық қол өнердің түрі екенін түсіндіру.

Дамытушылық:Ұлттық тәрбие беру,ұлттық өнер арқылы танымдық қабілетін дамыту.Оқушыларды техникалық қауіпсіздік ережелерін сақтай отырып жұмыс істеуге дағдыландыру.

Тәрбиелік:Қыздарды әсемдікке баулу,қолөнердің шеберлігі мен әсемдігін бойларына сіңіру,таныта білу.

III.Сабақтың әдіс-тәсілдері:Түсіндіру сұрақ-жауап,әңгіме көрнекілік.

IV.Сабақтың түрі:Практикалық сабақ.

V.Қажетті құралдар:ине,жіп,қайшы,моншақты ине,аяққап,ою-өрнек түрлері,қағаз.

VI.Сабақтың барысы:

1.Ұйымдастыру кезеңі.

-Оқушылармен сәлемдесу,түгендеу.

-Сабаққа дайындықтарын тексеру.

2.Үй тапсырмасын тексеру.

-Біз өткен сабақта не істедік?

-Ою,қайшы,ине,аяққап,тор тігіс,қол тігіс атаулары.

3.Жаңа сабақ.

Сабақтың тақырыбының мақсатын жариялап,түсіндіру.

-Қыздар бүгін біз аяққапқа ою түрлерін тігеміз.

Оюдың түрлерімен таныстыру,түсінік беру.

VII.Дидактикалық ойын. «Орнын тап»

Шарты:Тақтаға 4 сурет ілінеді.Қойдың,гүлдің,айдың,геометриялық фигуралардың суреті ілінеді.Сол суретті оюдың қай түріне жататынын анықтап тауып қояды.

Мысалы:Қошқар мүйіз оюы болса қойдың астына қояды.

Қауіпсіздік ережелерін еске түсіру.

-Алдымен инемен жұмыс жасау кезіндегі қауіпсіздік ережелерін еске түсіреміз.Инені,түйреуішті кеудеңе түйірме,аузыңа салма,ине қадағышқа қадап қою керек.

Инемен жұмыс жоспары:

1.Алдымен жіппен инені ал.

2.Сосын жіпті қи.

3.Сонан соң жіпті инеден өткіз.

4.Кейін жіптің ұшын түй.

Тау оюы-қолөнер бұйымының жиектеріне салынады.Мәңгілік күш-құдіреттің символы.Қариялардың таудай бол деп бата беруі де тектес тек емес.

Қошқар мүйіз-қошқардың мүйізі тәрізді ою.Мал шаруашылығымен айналысқан қазақ халқының көшпелі өмір салтымен туған.Қошқар мүйіз оюы неше түрлі формаларға еніп,қазақ бұйымдарының көбінде кездеседі.

Практикалық жұмыс

Ою түрлерін аяққапқа тігу.

Жоспары:

1.Аяққаптың оң жағын өлше,белгіле.

2.Белгінің үстіне оюды қой.

3.Оюды инешелермен қадау.

4.Аяққапқа оюды көмкеру немесе тор тігісі мен тік.

VIII.Қорытындылау.

Сұрақ-жауап арқылы жаңа сабақтан алған білімдерін тексере отырып,сабақты қорытындылау керек.

а)Қауіпсіздік ережесін еске түсіреміз.

ә)Сынып ішін жинастыру.