Сөйлеуді қабылдаудың деңгейлігі

Егер қабылдаудың физиологиялық жағын айтатын болсақ, онда ол жеткіліті түрде күрделі жүйе екенін атап өткен жөн. Мағыналық қабылдау немесе мағынаны түсіну (смысловое восприятие) бұл физиологиялық субстраттың психикалық қызметі болуына қарай, ол сонымен қатар деңгейлік құрылым (уровневая структура) ретінде сипатталады. Сонымен тілдік хабарды қабылдаудың деңгейлік құрылымы осы процестің сатылы түрінде де, сондай-ақ сөйлеу сигналын өңдеуде бірізділік түрінде де байқалады. Айталық, егер біздің түйсігіміздің объектісі оқшауланған дыбыстар болса, онда қабылдау қарапайым психикалық актілерді анықтап тану және білудің ең қарапайым деңгейінде өтеді. Дыбыстарды дүркін-дүркін көп мәрте ажырату нәтижесінде адам санасында жаңа элементтерді қабылдауда адам сүйенетін сөздер формасының бейнесі қалыптасады.