Байланысты: Қазақ тіл біліміндегі таным теориясының ғылыми-әдістемелік негіздері
Біріншіден – дамыта оқытуда білім даяр күйінде берілмейді, оған шәкірт өз оқу әрекеті арқылы қол жеткізеді. Тақырыптың алғашқы ізденіс кезеңінде жаңа ақпарат жайлы не білетіндіктерін ортаға салып, мәселені өз беттерінше шешуге талпынады. Сөйтіп олар осы мәселе туралы өз білімдерінің жеткіліксіз, таяз екенін сезіну арқылы сабаққа деген қызығушылықтары оянады, ішкі түрткілері пайда болады.
Екіншіден – дамыта оқытуда оқушы жоғары қиындықтағы мәселелерді шеше отырып өзінің санасының саңылауларын ашады. Әр білім алушы өзінің деңгейіне дейін дамуға қол жеткізе алады. "Жақсы оқитын”, "Жаман оқитын” шәкірт ұғымының болмауы, оларды танымдық әрекеттерге ұмтылдырады, құштарлығын арттырады.
