Жуан және жіңішке айтылатын сөздер Ата Айтады ертек жан атам,
Ақ сақалын салалап.
Құмарымды таратам,
Жер мен көкті аралап.
Жуан айтылатын сөздерді теріп жазыңдар.
Әже Мейірімі-жел жібек,
Күндей ыстық құшағы.
Ет жүрегі елжіреп,
Құлыным деп құшады.
Жіңішке айтылатын сөздерді теріп жазыңдар.
Ана Келбетінде ұлылық,
Даладан кең пейілі.
Ана деген –жылылық,
Ана деген –мейірім.
Жуан айтылатын сөздердің астын бір рет, жіңішке айтылатын сөздердің астын екі рет сызыңдар.
Тоқылдақ Тоқылдақ –орман құсы.Ол ертеден кешке дейін жем іздейді.Ал түнде ұясында тынығады. Тоқылдақ суықта да басқа жаққа ұшып кетпейді. (20 сөз)
Жуан айтылатын сөйлемді табыңдар.
Үй қояны Күтімі жақсы үй қояндары суықтан қорықпайды. Олар көктемде көжектейді. Ана қояндар көжектерін жақсы күтеді. Олар көжектерін бауырына басып жылытады. (19 сөз)
Буын 1.Жер бусанып,көк шығып,
Арықтарда су ақты.
Бүрлеп өсіп көк шыбық,
Жұтып жатыр шуақты.
Өлеңнен бір буынды сөздерді бірінші бағанға,екі буынды сөздерді екінші бағанға теріп жазыңдар.
2.Ақылыма иемін,
Тәртіпті мен сүйемін.
Тақиямды қолыма ап,
Үлкенге бас иемін.
Өлеңді буынға бөліп, көшіріп жазыңдар.
3.Жұмбақ Өзі таудың бөктерінде өседі,
Жаңа жылда үй төріне көшеді. (Шырша)
( Е.Елубаев)
Өзі, өседі, үй- сөздері неше буыннан тұрады?
Күз Күн бірте-бірте суытып келеді. Күндіз қызғанмен, кешкісін салқын.Жапырақтар сарғайып түсе бастады. Түскен жапырақты жел ұшырады. ( 17 сөз)
Салқын, жапырақтар-сөздерін буынға бөліп жаз.
