Қазақстан республикасы білім және ғылым министрілігі ұсынады
Тәрбие жұмысының мақсаты, міндеттері және заңдылықтары
жүктеу/скачать 8,96 Mb. Pdf көрінісі
|
тәрбие кітап
44076315
|
Тәрбие жұмысының мақсаты, міндеттері және заңдылықтары Педагогика ғылымында тәрбие жұмысының мақсатын анықтау негізгі мәселенің бірі. Себебі, қандай да болмасын әрекеттің түрі мақсатқа сәйкес туындайды. Тәрбие жұмысының нәтижелі болуы, көбінесе ондағы мақсаттың нақтылығына байланысты бағаланады. Тәрбие жұмысының мақсаты жеке тұлғаның даму процесін басқарудың міндеттерін айқындайды. Тәрбие жұмысының міндеттері: - ішкі қоғамдық қатынастардың өзгеруіне байланысты жалпы адамзаттық құндылықтарды жеке тұлғаны қалыптастырудың негізі етіп алу; - жалпы адамзаттық мәдениет пен ұлттық мәдениеттің озық үлгілерін кіріктіре пайдалану, мәдени байлық барлық қоғам мүшелеріне бірдей ортақ деп санау, тәрбие мәселесіне мәдени тұрғыда қарау; - жеке тұлғаны тәрбиелеп жетілдіру ісі қоршаған орта арқылы іске асырылатындықтан, оның дүниеге көзқарасын қарым-қатынаспен тәрбиелеп қалыптастырудың жолын қарастыру; - бұрын оны тек тәрбиеленуші объект деп қарап тәрбиеші қауым өз беделімен ықпал етіп келсе, енді оларды тәрбие ісіне белсене қатыстыра отырып, әрі тәрбиенің объектісі әрі өзін-өзі тәрбиелеуші саналы субъект деп қарау, оның жеке басын бағалау, онымен санасу, сенім білдіру, ынтымақтаса іс-әрекет ету; - адам тәрбиесі биологиялық әрі психологиялық процесс болғандықтан, тәрбие ісін оның жас және жеке басына тән даралық ерекшеліктерін ескере жүргізу; - оқу-тәрбие ісін ізгілендіру, демократияландыру, жеке тұлғаны дамыта тәрбиелеу; - тәрбиенің түрлері өтпелі кезең талаптарына сай қайта қаралып, оның мақсат, міндеттерін нақтылау; - әр сыныпта, оқу-тәрбие жүйесінде берілетін білім, білік, дағдылар көлемі ескеріліп, сыныптан тыс тәрбие жұмысын да жандандыру; 24 - жеке тұлғаны тәрбиелеп жетілдірудің нәтижесін, тәрбиелік деңгейін анықтаудың тетіктерін ашу. Философия ғылымында «заңдылық» деген ұғымды құбылыстар мен процестер арасында дамуды сипаттайтын мәнді байланыс деп түсіндіреді. Тәрбие процесінің негізіне тұлғаның табиғатын, әлеуметтік мәнін, қоғамдық өмірдің объективтік қажеттілігін білдіретін заңдылықтар жатады. Басқарылуы қажет болған психикалық құбылыстардың заңдарын ашып, өз іс-әрекетіңді сол заңдарға және оларды қолданатын жағдайларға орайластырған жөн. Тәрбие заңдылықтары дегеніміз – даму мен қалыптасуда тиімді нәтижеге жеткізетін тәрбиелік процестегі орнықты, қайталанып отыратын қажетті байланыстар. Тәрбие заңдылықтарын алдын-ала басшылыққа ала отырып, тәрбие жұмыстарын болжауға және ол іске терең мазмұндық әрі әдістемелік бағыт-бағдар беруге болады. Тәрбие процесін табысты, нәтижелі ұйымдастыру тәрбиешілерге, алдымен тәрбие заңдылықтарын жете түсінуді қажет етеді. Тәрбиенің жалпы заңдылықтары: барлық тарихи кезеңдерінде тәрбие объективтік-қоғамдық қажеттіліктен туындайды және оның қоғамға қызмет етуі; қоғамның өркендеп дамуы, онда өмір сүріп отырған жеке тұлғаның күш-қуаты мен өмірлік позициясына тәуелділігі; тұлғаның үнемі жетілуі, даму жағдайында болуы; тәрбиенің халықтық, әлеуметтік, жалпылық сипаты; тәрбие процесінде тұлға дамуының іс-әрекет пен қарым-қатынасқа тәуелділігі; оқыту, тәрбиелеу, дамытудың біртұтастығы, бірлігі, өзара байланыстылығы; біртұтас тәрбие процесіндегі тәрбие мақсаты, міндеті, мазмұны, әдіс-тәсілдері, түрлерінің өзара бірлігі, байланыстылығы; тәрбие мен өзін-өзі тәрбиелеудің бірлігі, өзара байланыстылығы. жүктеу/скачать 8,96 Mb. Достарыңызбен бөлісу:
|