376
І топ: Отан, туған жер, ел
туралы мақалдар
Отан отбасынан басталады.
Отан қадіріне жетпеген
Өз қадіріне жетпес.
Отан – елдің анасы,
Ел – ердің анасы.
Отан оттан да ыстық,
Жалыны бар шоқтан да ыстық.
Отан үшін отқа түс – күймейсің.
Отанға опасыздық еткенің,
Өз түбіңе өзің жеткенің.
Туған елдей ел болмас,
Туған жердей жер болмас.
Ел іші алтын бесік.
Ел іші – береке,
Көп ісі – мереке.
Өз елім – өлең төсегім.
Ел, елдің бәрі жақсы,
Өз елің бәрінен де жақсы.
Кісі елінде сұлтан болғанша,
Өз еліңе ұлтан бол.
Аққу айдынын аңсайды,
Адам туған жерін аңсайды.
Өзге елдің оты,
Өз еліңнің түтініне де татымас.
Елді сөкпе, кенді төкпе.
Ел құлағы елу.
Елі еріксіз болса,
Ері көріксіз болар.
Ел ағасыз болмас,
Су сағасыз болмас
Өзін-өзі білген ер бақытты,
Өзін-өзі билеген ел бақытты.
Достарыңызбен бөлісу: 
