26-бап. Баланың өзінен бөлек тұратын ата-анасымен қарым-қатынас жасау құқығы 1.
Баланың өмірі мен денсаулығына қатер төндіретін жағдайлардың
болуын қоспағанда, баланың өзінен бөлек тұратын ата-анасы туралы ақпарат
алуға, олармен кездесіп, араласып тұруға құқығы бар.
2.
Бала құқығын шектеуге байланысты туындаған, осы бапта көзделген
даулар сот тәртібімен шешіледі.
5-тарау. АТА-АНАСЫНЫҢ ҚАМҚОРЛЫҒЫНСЫЗ ҚАЛҒАН БАЛАНЫҢ ҚҰҚЫҚТАРЫ 27-бап. Қорғаншылық, қамқоршылық және патронат 1.
Ата-анасының қамқорлығынсыз қалған балаға оның мүліктік және
мүліктік емес жеке құқықтарын қорғау үшін Қазақстан Республикасының
заңдарына сәйкес қорғаншы немесе қамқоршы белгіленеді
(РҚАО-ның ескерту; қараңыз (4-бөлім); Р991346_). 2.
Қорғаншылық он төрт жасқа толмаған балаларға белгіленеді, ал
қамқоршылық он төрт жастан он сегіз жасқа дейінгі кәмелетке толмағандарға
белгіленеді.
3.
Жергілікті атқарушы органдар қорғаншылық және қамқоршылық
органдары болып табылады.
4.
Ата-анасының қамқорлығынсыз қалған, соның ішінде тәрбиелеуші,
емдеуші немесе басқа мекемедегі балаға Қазақстан Республикасының
заңдарына сәйкес патронат белгіленуі мүмкін
(РҚАО-ның ескертуі: қараңыз (16-тарау);). 5.
Қорғаншылық немесе қамқоршылық белгіленген баланың аға-інілері
және апа-сіңлілері бар болса, олардың бірге тұруы үшін жағдай жасалады.
