Халқы және оның орналасуы. Бұл аймақты үнді-еурола және орал тіл семьяларының халықтары қоныстанған. Ең ірі тіл топтары — балтық (латыштар мен литвалықтар), одан кейін славян (поляк, орыс, беларусь) және угро-фин (эстон). Эстонияда атаулы ұлттар – эстондардан (61,5%), Латвиядағы латыштардан (52,0%) басқа олардағы орыстардың үлесі де жоғары (ондағы халықтың 1/3 жуығы құрайды), сонымен қатар украин, беларусь, поляктар да біршама таралған. (Тек Литвада ғана атаулы ұлт — литвалықтар (80%) басымдық жағдайда, сол сияқты мұндағы орыс (8,9%) және поляк (7,3%) диаспораларының үлесі біршама. Халқының орташа тығыздығы 1 км2 жерге: Эстонияда 33 адамнан, Латвияда 39 адамнан, ал Литвада 57 адамнан келеді. Қала халқының үлесі — Эстонияда (73%), Латвияда (72%), Литвада (71%) басым болып келеді. Бұл елдердегі мемлекет астаналарынан басқа ірі қалалары — Тарту, Нарва, Кохтла-Ярве (Эстония), Даугавпилс, Лиепая, Елгава, Вентспилс (Латвия), Каунас, Клайпеда, Шяуляй, Паневежис, т.б. (Литва). Мұнда шағын қалалар көптеп кездеседі.
Достарыңызбен бөлісу: |
