КОНФЕРЕНЦИЯЛАР, ФОРУМДАР, СЕМИНАРЛАР 1-маусым күні Ы.Алтынсарин атындағы Ұлттық білім академиясында «Балалар әндерінің
өскелең ұрпақ тәрбиесіндегі маңызды орын алуы» тақырыбында зумконференция
өткізілді. Жиналыс барысында «Балапан саз» радиобайқауының ақын-композиторлармен
шығармашылық қарым-қатынасы мен заманауи балалар әндерінің насихатталу жолындағы
атқарып отырған қызметі жайлы оң пікірлер айтылып, болашақ үшін маңызды балалар
әндерінің дамуы, таралуы, насихаты, болашағы жайлы әңгіме пікірталас өрбіді.
Білім академиясының президенті Ғани Бейсембаев «Балапан саз» радиобайқауына
белсене атсалысқан ақын-композиторларға, жас ұрпақты өнерге баулуда шығармашылық
табысқа қол жеткізген ұстаздарға құттықтау лебізін жолдай отырып, вице-министр
Ш. Каринованың және комитет төрайымы М. Мелдебекованың және Ы.Алтынсарин
атындағы Ұлттық білім академиясының алғыс хаттарын табыстады. Қазақ радиолары
ЖШС-нің бас редакторы, қазақ радиосының директоры Д. Абибуллаев авторларды Қазақ
радиоларының құрмет грамоталарымен марапаттады.
