КОНФЕРЕНЦИЯЛАР, ФОРУМДАР, СЕМИНАРЛАР 26 мамыр күні Қазмедиа» ғимаратында « Балапан саздың» алғашқы лауреаттары
мен дипломанттарының қатысуымен Гала концертінің телевизиялық түсірілімі болып
өтті. Жеңімпаздар арнайы Ы. Алтынсарин атындағы Ұлттық білім академиясының
және ұлттың үн жариясы Қазақ радиосының арнайы дипломдарымен марапатталып,
«Әдемі-ай» кәдесыйлар компаниясы мен «Мұмтаз» халал мейрамхана желісінің бағалы
сыйлықтарына ие болды.
Байқау қорытындысы бойынша кіші топтан Тұрсынбек Кешубайдың «Әкем менің жақсы
адам» атты ән-өлеңін орындаған Нұркелді Пайзыкен мен Халықберген Әбілжановтың
Мұнайдар Балмолданың сөзіне жазған «Қазақ деген мен боламын» атты әнімен ересектер
тобынан Еділ Бейімбет 3-ші орынды, Жақсыгүл Қалжанованың « Ақын Абай атамыз»
ән-өлеңін орындаған «Rayan» тобы ересектер тобынан, Сәкен Шынымовтың Сапарғали
Қыдыровтың сөзіне жазған «Балдәуреннің шаттық әні»әнін орындаған кіші топтан Жібек
Нұрманова 2-ші орынды бөлісті. Ал, 1-ші жүлделі орындарды Құралай Қырықбаеваның
Айдана Сегізбаеваның сөзін жазған «Туған далам» әнін орындаған Ажар Рүстемқызымен
Талғат Нағашыбаевтың Ділдахан Торғаеваның сөзін жазған «Жұлдызым» әнін орындаған
Інжу Қанағат иемденді. Бас жүлде иегерлері ретінде ересектер тобы бойынша Әліби
Әбдінұровтың Ернұр Сейдахметтің сөзіне жазған «Бейбітшілік» әнін орындаған Музарт
Құрманәлі мен кіші топ өнерпазы Мақсат Жәутіковтың Серік Әбікенұлының сөзіне жазған
«Мектебім» әнін орындаған Ақнұр Жұматай атанды.
Гала концерт «Халықаралық балалардың қорғау күніне» орай 1-маусым күні «Балапан»
телеарнасынан көрермен назарына және қазақ радиосының эфирінен тыңдарманға
ұсынылды.
