75
PERSONALIA Дүйсебек Әділхан Төлегенұлы Дүйсебек Әділхан Төлегенұлы 1956 жылы Қызылорда облысы Айдарлы ауылында дүниеге келген. 1973 жылы мектепті Алтын медальмен бітіріп, С.М.Киров атындағы Қазақ мемлекеттік университетінің химия факультетін бітірген. 1978-1980 жылдары ауыл мектебінде мұғалім болып істеді. 1980-1989 жылдарыАлматы облысындағы Қазақ егіншілік ғылыми-зерттеу институтында кіші, аға ғылыми қызметкер болып, 1989-1991 жылдары аталған институтта және Алмалықбақ елді мекенінде бастауыш партия ұйымының хатшысы болды. 1991-2004 жылдары Қарасай ауданындағы әл Фараби атындағы мектеп- гимназия директоры. 2004-2011 жылдары және 2013-2015 жылдары ҚР Білім және ғылым министрлігінің Ы.Алтынсарин атындағы Ұлттық білім академиясының вице- президенті. 2011-2013 жылдары Академия құрамындағы Шағын жинақты мектепті дамыту орталығының директоры. Екі рет Алматы облыстық маслихатының депутаты болып сайланған. 2015-2021 жылдары ҚР Білім және ғылым министрлігінің Оқулық республикалық ғылыми -практикалық орталығы директорының орынбасары, 2021 жылғы маусым айынан Ы.Алтынсарин атындағы Ұлттық білім академиясы Орта білім институты директорының орынбасары. Химия ғылымдарының кандидаты. В.Вернадский атындағы Ресей жаратылыстану ғылымдары Академиясының шетелдік мүшесі. 85- ғылыми еңбектері, оның ішінде 14-і шетелдік басылымдарда, жарияланған. Бірнеше оқулықтар мен оқу-әдістемелік құралдардың авторы.11-жылдық және 12-жылдық білім беру мемлекеттік жалпыға міндетті стандарттары мен оқу бағдарламаларын, Қазақстан Республикасы білім беру ұйымдарындағы тәрбие тұжырымдамасы, Шағын жинақты мектепті дамыту тұжырымдамасы, Инклюзивті білім беру тұжырымдамасы жобаларын әзірлеуге қатысқан. Қазақстан Республикасы «Білім беру ісінің үздігі», «Ы.Алтынсарин», «А.Байтұрсынов» және мерекелік медальдерімен марапатталған.
