Қазақстан республикасы білім және ғылым министрлігі «мектепке дейінгі балалық шақ» республикалық орталығы балаларды толық КҮн болатын шағын орталықтарда
жүктеу/скачать 1,29 Mb.
|
| «ШЫҒАРМАШЫЛЫҚ» білім беру саласы (144сағ)
Мақсаты: Қазақстан және басқа елдердің өнер шеберлері туындыларына эмоционалды үн қата білетін, нәтижелі бейнелеу және музыкалық іс-әрекет саласында қарапайым дағдыларға ие мектепке дейінгі кіші жастағы бала тұлғасының шығармашылық құзыреттіліктерін дамыту. «Шығармашылық» білім беру саласының мазмұны ұйымдастырылған оқу іс-әрекетінде жүзеге асырылады: - сурет салу, 36 сағ. («Сурет салу» тарауының мазмұнына келесі бағыттар кіреді: заттың суретін салу; сюжеттік сурет салу; сәнді сурет салу; түпкі ойы бойынша сурет салу); - мүсіндеу, 18 сағ. («Мүсіндеу» тарауының мазмұнына келесі бағыттар кіреді: зат мүсінін жасау; сюжеттік мүсіндеу; сәнді мүсіндеу); - жапсыру, 18 сағ. («Жапсыру» тарауының мазмұнына келесі бағыттар кіреді: затты жапсыру; сюжеттік жапсыру; сәнді жапсыру); - музыка, 72 сағ. («Музыка» тарауының мазмұнына келесі бағыттар кіреді: музыка тыңдау; ән салу, музыкалық-ырғақтық қимылдар (жаттығу, би, ойын және қол ұстасып ойнау балалардың музыкалық аспаптарда ойнауы). Сурет салу бойынша жыл соңында балалар мыналарды меңгеруі тиіс: - затқа қарап және заттарды, гүлдерді, көкөністерді, жемістерді, ойыншықтарды, кейбір жануарлар мен адамды елесетіп сурет салу; - гуашь, акварель, графиттік және түрлі-түсті қаламдармен жұмыс істей білу; - шеңберге, сопаққа, шаршыға, тікбұрышқа, жолаққа өрнек салу; - геометриялық пішіндер мен өсімдік элементтерін ырғақпен орналастыру; - қазақ ою-өрнектері элементтерінің суретін салу: «Қызғалдақ гүлі», «Ботагөз», «Қошқар мүйіз», «Құс қанаты» және осы оюлармен киімді, тұрмыстық заттарды безендіру (сұлбаларды пайдалану); - бір мазмұнға біріктіріп, суретте бірнеше заттарды бейнелеу, суретке пішін беру, заттардың құрылысы, көлеміне қарай арақатынасы; бейнелерді қағаздың бүкіл жазықтығына орналастыру; - мәнерлі бейне жасау үшін, түрлі бояулар мен реңктерді пайдалану; - ұжымдық жұмыстар атқару, түпкі ойы бойынша сурет салу. Мүсіндеу бойынша жыл соңында балалар мыналарды меңгеруі тиіс: - пішіні мен көлемі әртүрлі таныс заттарды үлгісі және елесету арқылы жасау; - бірнеше бөліктен тұратын заттарды жасау, жұмырлау, жалпайту, біріктіру, қысу тәсілдерін пайдалану; - мүсіндеуде түрлі материалдарды пайдалану (ермексаз, саз балшық, табиғи және жарамсыз материалдар); - дымково ойыншығы туралы, саз ыдыс жасау бойынша халық шеберлерінің еңбегі туралы қарапайым түсінікке ие болу; - айнала қоршаған өмір тақырыбында, ертегі сюжеттері бойынша күрделі емес сюжеттік композициялар жасау; ұжымдық жұмыстарды орындауға қатысу; - жұмыс орнында тәртіп сақтау; жұмыста шіңішке бауды пайдалану. Жапсыру бойынща жыл соңында балалар мыналарды меңгеруі тиіс: - қайшыны дұрыс ұстау және онымен дұрыс жұмыс істеу; - шаршы және төртбұрыш диагоналы бойынша кесу; - шаршыдан шеңбер, сопақтан төртбұрыш ойып алу, қиғаш тіліктер жасау; жеке бөліктерден құралған заттарды жаю және жапсыру; - өсімдіктер мен геометриялық пішіндерден өрнектер жасау, жолаққа, шаршыға, шеңберге, қазақ ою-өрнектерінің элементтерін салу, оларды кезектестіре салу, ретімен жабсыру. жүктеу/скачать 1,29 Mb. Достарыңызбен бөлісу:
|