БІЛІМ МАЗМҰНЫН ИГЕРУДІҢ ЖОСПАРЛАНҒАН НӘТИЖЕЛЕРІ
Білім мазмұнын жүзеге асыру негізгі салалар бойынша жұмыс атқаруды қарастырады: «Денсаулық», «Қатынас», «Таным», «Шығармашылық», «Әлеуметтік орта», олардың әрқайсысы өзіндік мақсатты бағытқа ие дербес тараулардан құралады.
Басты құзыреттіліктерге ие, ересектер және құрдастарымен қарым-қатынас және ынтымақтастық жасай білетін, дене шынықтыру мен салауатты өмір салтының негіздерін меңгерген, мектепте оқуға дайын тұлға мектепке дейінгі ересек топтағы баланы дамыту мен тәрбиелеу нәтижесі болып табылады.
Күтілетін нәтиже:
- сыртқы ортамен өзара әрекеттесуге бейімделген, мектепте оқу үшін дайындалған барлық қалыптасушы қасиеттер мен икемділіктердің жиынтығын өз бойына жинай білген бала тұлғасын қалыптастыру;
- осы үлгілік әдістеме мектепке дейінгі жастағы балалардың оқу іс-әрекеттеріне қолжетімділігін кеңейтуге; мектепке дейінгі ұйымдардың қолда бар ресурстарын тиімді пайдалануға; мектепке дейінгі білім беруде қосымша білім беру алаңдарын ашу үшін жағдай жасауға ықпал ететін болады;
- толық күн болатын шағын орталықтарда балаларды дамыту әдістемесі мектепке дейінгі ұйымдардың әдіскерлері, тәрбиешілері, сондай-ақ мектепке дейінгі балалардың ата-аналары тарапынан қажетті құрал болып табылады.
Достарыңызбен бөлісу: |
