138
Қыркүйек айының екінші жексенбісі –
Отбасы күні
Мемлекет басшысы Қазақстанда жаңа мерекені атап өту жөніндегі
Жарлыққа қол қойды.
ҚР Президенті Жарлығымен қ
ыркүйектің
екінші
жексенбісі – отбасы күні болып белгіленді.
Отбасы күні Қазақстанда тұңғыш
рет 2013 жылы 8 қыркүйек күні
аталып өтілді. Оның мақсаты – жанұялық
құндылықтарды нығайту.
Адам өмірі отбасынан басталады,
адам отбасынан азамат болып
қалыптасады. Отбасы - махаббат, құрмет, береке мен сүйіспеншіліктің көзі,
соның негізінде кез келген өркениетті қоғам құрылады, онсыз адам өмір сүре
алмайды. Отбасының дәулеттілігі - мемлекет дамуы мен прогресінің өлшемі.
Отбасы күнінде мұғалімдер оқушылардың отбасы жарастығы,
татулығы мен отбасы мүшелеріне сүйіспеншілік сезімін арттыру мақсатында
«Отбасы жарастығы» атты тақырыпта тәрбие сағатын өткізуге болады.
Мұғалім оқушылардың отбасы жарастығы
мен татулығы және ол арқылы
адамдар қандай табыстарға жете алатындығы туралы түсініктерін дамыта
түсу үшін «Ойланайық, пікірлесейік» айдарымен берілген сұрақтар бойынша
әңгімелесу әдісін жүргізеді. Мұғалім әңгімелесу барысында оқушылардың
түйген ойларын «Отбасы татулығы» атты аңыз әңгімемен жалғастырады.
Жаңа ақпарат отбасы туралы оқушы білімдерін нығайта түседі.
Содан соң
«Сахналау» айдарымен берілген тапсырмаларды рөлдермен орындату
арқылы отбасындағы үлкен мен кішінің бір-біріне ізет-құрметін,
қарым-
қатынасын айқындай түседі. Сабақта әртүрлі ойындар да ойнатуға болады.
Мыс: «Айналайын, толғанайын!» ойынында мұғалім оқушылардың ортаға
кезекпен шығып, үлкен адамдардың өздерін еркелетіп, жақсы көріп айтатын
сөздерін солардың дауыс ырғағына салып айтуды ұйымдастырады. «Назар
аударыңыз» айдарымен берілген қорытындылау оқушылардың отбасы
жарастығы мен сыйластығы
туралы білімдерін бекітіп, сабақтан алған
білімдерін бір ойға тоғыстырады. Оқушылар осы сабақтан алған әсерлерін
«Әкем-әнім» әнін айтумен жалғастырып, мұғалім сабақты аяқтайды.
Достарыңызбен бөлісу: 
