Мамыр
1 жұлдыз
Физика-математика ғылымдарының докторы, профессор,
Қазақстан Ғылым Академиясының академигi
Орынбек
Ахметбекұлы
Жәутiковтың
туғанына
105
жыл
1.05.1911-15.05.1989
.
Жәутiков Орынбек Ахметбекұлы
1911 жылы 1 мамырында Қарағанды
облысы Ақтоғай ауданы, Қызыларай ауылында дүниеге келген.
1934
жылы Абай атындағы Қазақ мемлекеттiк педагогикалық
университетiнiң физика-математика факультетiн бiтiрген. 1934-1951 жж.
Қазақ мемлекеттiк педагогика университетiнде ассистент, аға оқытушы,
физика-математика факультетiнiң деканы, ректордың ғылыми жұмысы
жөнiндегi орынбасары, доцент, математика анализ кафедрасының
меңгерушiсi, 1951-1965 жж. Қазақ КСР Ғылым Академиясының математика
және механика институты директорының орынбасары, ал 1965 жылдан осы
институтта
лаборатория
және
бөлiм
меңгерушiсi.
1961
жылы
«Дифференциалдық теңдеулердiң шексiз жүйелерiн зерттеу» тақырыбына
докторлық диссертация қорғаған, сол жылы ғылым докторы болды және
профессор атағын алды. Қазақ КСР Ғылым Академиясы О.А.Жәутiковты
академик етiп сайлады. 1970-1986 жж. Қазақ КСР Ғылым Академиясының
Президиумының мүшесi, 1972-1985 жылы Қазақ КСР Ғылым
Академиясының академик хатшысы болды.
Республикалық физика-математика мектебiн ашуға ұйтқы болғандардың
бiрi – О.А.Жәутiков болды. Бұл мектеп 1968 жылы ашылды. Ол
О.А.Жәутiков атындағы оқу ордасы.
Орынбек Ахметбекұлы Жәутiков өмiрiнiң көп жылын ғылымға арнады.
Артында ұрпағына мол ғылыми мұра қалдырған, қазақ тiлiнiң толыққанды
математикалық тiлiнiң қалыптасуына зор үлес қосқан академик үлкен
ғылыммен айналыса жүрiп, ұстаздықтан да қол үзген жоқ. Ол мектеп
мұғалiмдерi мен оқушылары үшiн арнап жазған оқу құралдардың,
оқулықтардың авторы. Сонымен қатар 200-ге тарта ғылыми еңбектерi,
монографиясы, ғылыми-көпшiлiкке арналған кiтаптары мен мақалалары
жарық көрдi.
О.Жәутiковтың еңбегi жоғары бағаланып «Қазақ КСР-ының ғылымға
еңбек сiңiрген қайраткерi», Республика мемлекеттiк сыйлығының лауреаты
атағы берiлiп және «Октябрь Революциясы орденiмен», екi рет «Құрмет
Белгiсi» орденiмен және медальдармен марапатталды.
Достарыңызбен бөлісу: |
