Қазақстан Республикасы Білім жəне ғылым министрлігі
Жабық тарату құрылғылардың электр жабдықтарын
жүктеу/скачать 7,97 Mb.
|
монтаж
2.3 . Жабық тарату құрылғылардың электр жабдықтарынмонтаждау Жабық тарату құрылғылардың (ЖТҚ) монтаждау кезінде дайындық жұмыстарын жүргізу қажет: құрылымдарды, аппараттарды, аспаптар мен сымдарды орнатудың негізгі осьтеріне белгі қою; құрылымдарды бекітуге арналған тесіктерді, Ұяларды, ойықтарды белгілеу жəне дайындау; аппараттар мен аспаптарға арналған бөлшектердің бекіту конструкцияларын орнату жəне бітеу. ЖТҚ-дағы белгілеу жұмыстары əрбір үй-жайдың жəне əрбір камераның қабырғалары мен қалқаларына белгі соғудан басталады. Камераның өлшемін біле отырып, оның басты тік осі А – А анықталады жəне Б – В тік осін белгілейді. [6]. Тарату құрылғылары мен қосалқы станциялардағы электр жабдықтары мен жекелеген аппараттарды металл тірек конструкцияларда орнатады. Тесіктер мен Ұяларды орнату үшін пневматикалық құралдар немесе бұрғылары бар электр бұрғылар, қатты қорытпалардан жасалған ұштықтар қолданылады. Кірпіш немесе бетон қабырғаларда тірек оқшаулағыштар жолақтық немесе бұрыштық болаттан орындалатын болттарда, бітемелерде, істікшелерде немесе тірек конструкцияларында орнатылады. Өтпелі оқшаулағыштарды тікелей қабырғалар ойықтарында немесе қабатаралық жабындарда болат немесе темір-бетон плиталарда жəне бұрыштық болаттан жасалған рамаларда өтпе бұрандамалармен немесе шпилькалармен бекіте отырып орнатуға болады. Оқшаулағыштың əрбір жиынтығы қалпақшаларының жоғарғы жазықтықтары қатаң түрде бір деңгейде болуы тиіс. Оқшаулағыштардың жерге тұйықтау болттары бір жаққа бағытталып, жерге қосу магистраліне дейінгі ең қысқа қашықтықта болатын қылып орнатады. [9] Тірек оқшаулағыштарды монтаждау кезінде (37 сурет) бастапқыда олардың арасында бауды немесе сым созылатын фазалардың бірінің шеткі оқшаулағыштары орнатылады. Тартылған бау немесе сым бойынша аралық оқшаулағыштар орнатылады. Оқшаулағыштардың орналасуы деңгеймен тексеріледі. Ажыратқышты камераның төменгі бөлігінде монтаждау кезінде əдетте қолмен көтереді. Ажыратқышты камераның осьтері бойынша тексереді жəне тірек конструкциясына бекітеді. Түйіспе байланыстары міндетті түрде реттелуі тиіс. Ажыратқыштың пышақтары секторлық рычагтың көмегімен немесе тарту ұзындығының өзгеруімен паспортта берілген бұрылыс бұрышына тексеріліп орнатылады. Контактінің тығыздығын щуп көмегімен тексереді. Қуыс пышақ пен губкалар арасындағы саңылау тереңдігі 4-5 мм – ден аспауы тиіс. Жетекті бір мезгілде ажыратқышпен бірге орнатады. 37 сурет. Оқшаулағыштарды орнату Ажыратқыштың рамаларын жоғары екі болтқа көтереді жəне ілінеді, содан кейін тіктеуіштің көмегімен рама ілуінің дұрыстығын тігінен тексереді. Ажыратқыштың рамасын қолмен бұрумен бекіткеннен кейін біліктің қозғалуын раманың ауытқуы кезінде туындауы мүмкін мойынтіректерде жатудың болмауын тексереді. Ажыратқыш пен жетекті орнатқаннан, тексергеннен жəне бекіткеннен кейін ажыратқыштың білігіне иінтіректі қондырады, жетек механизмін "қосылған" күйіне ауыстырады, жетек білігіне иінтіректі тігіне 300 бұрышпен кигізеді, иінтіректердің отырғызу бұрыштарының дұрыстығын тексереді жəне оларды орнату бұрандамаларымен бекітеді. Жетек механизмі "ажыратылған" күйге ауыстырылады жəне бір-бірімен жетек иінтіректері мен ажыратқыштарды қосады. Жетек пен ажыратқышты құрастырғаннан жəне бекіткеннен кейін оларды реттеуді жүргізеді. Төмендегілерді сақталуы шарт: ажыратқыштың түйіспелі өзекшелерінің жүрісі 250 мм құрауы тиіс; ажыратқыштың ажыратылған жағдайында оның білігінің бұрылуы май буферінің бойкасының басына орташа иінтіректі тіреумен шектелуі тиіс, ал қосылған жағдайда-серіппелі буфер қарастырылғаны жөн. болтының басына дейін шектелуі жүктеу/скачать 7,97 Mb. Достарыңызбен бөлісу:
|