-id- жұрнағына алынған –ide- сын есімдерде – ұқсас-, -тәрізді- дeген ұғымды білдіреді, мысалы: ovoideus, a, um жұмыртқа тәрізді; xiphoideus, a, um қылыш тәрізді.
Грек тілінен енген жұрнақтарға тағы да –ism- және –os- жұрнақтарын жатқызса болады. –ism- жұрнағы –us-пен аяқталатын сөздерге қосылып, зат есім терминдерінде қолданылады. Бұл жұрнақ нeгізделген қандай да бір құбылыс, күй, қасиет туралы хабар береді: gigantismus, і т гигантизм, бой өсуінің қүшеюі; metabolismus, і т метаболизм, ағзадағы зат алмасу.
Ал, -os, -is-ке жалғанып, ауруды, қалыпты жағдайдан ауытқуды білдіреді: helminthosis, is/ гельминтоз, адам, жануар, өсімдіктердің құрттармен ауыруы; erythrocytosis, is/ эритроцитоз, қанда эритроциттердің көбеюі.
Бірақ, -os- жұрнағы көп жағдайда сөз байланыстыру мақсатында қолданылады: metamorphosis, is/ метаморфоз, форманың өзгеруі;
synarthrosis, is/ синартроз, буындардың дәнекер ұлпа, шеміршек немесе сүйек арқылы жалғануы.
Достарыңызбен бөлісу: |
