Ќазаќстан Республикасы Конституциясыныѕ 52-бабыныѕ
жүктеу/скачать 7,99 Mb.
|
| ҚАУЛЫ ЕТЕДI:
1. "Нотариат туралы" 1997 жылғы 14 шiлдедегi N 155 Қазақстан Республикасы Заңының 15-бабының 3-тармағы Қазақстан Республикасының Конституциясына қайшы деп танылсын. 2. Қазақстан Республикасы Конституциясының 74-бабының 2-тармағына сай "Нотариат туралы" Қазақстан Республикасы Заңының 15-бабы 3-тармағы нормаларының заңдық күшi жойылады және қолданылуға жатпайды. 3. Қазақстан Республикасы Конституциясының 74-бабының 3-тармағына сәйкес қаулы оны қабылдаған күннен бастап күшiне енедi және шағымдануға жатпайды, Республиканың бүкiл аумағында жалпыға бiрдей мiндеттi және Қазақстан Республикасы Конституциясының 73-бабының 4-тармағымен көзделген реттi ескере отырып, түпкiлiктi болып табылады. Осы қаулы республикалық ресми басылымдарда қазақ және орыс тiлдерiнде жариялансын. Қазақстан Республикасы Жоғарғы Сотының «Қазақстан Республикасы Конституциясының 16 және 83-баптарын ресми түсіндіру туралы» Қазақстан Республикасы Конституциялық Кеңесінің 2003 жылғы 31 желтоқсандағы №13 қаулысына түсіндірме беру жөніндегі өтініші туралы Қазақстан Республикасы Конституциялық Кеңесінің 2005 жылғы 21 ақпандағы №2 қаулысы Қазақстан Республикасының Конституциялық Кеңесі, Төраға И.И. Рогов және Кеңес мүшелері Х.Ә. Әбішев, Қ.Ж. Балтабаев, А. Есенжанов, А.К. Котов, Қ.Ә. Омарханов қатысқан құрамда, «Қазақстан Республикасының Конституциялық Кеңесі туралы» Қазақстан Республикасы Конституциялық заңының 35-бабына сай, Қазақстан Республикасы Жоғарғы Сотының «Қазақстан Республикасы Конституциясының 16 және 83-баптарын ресми түсіндіру туралы» Конституциялық Кеңестің 2003 жылғы 31 желтоқсандағы №13 қаулысына түсіндірме беру жөніндегі өтінішін мән-жайы бойынша қарауға жол берілуі туралы мәселені қарады. Қолдағы бар материалдарды зерделеп, баяндамашыны – Консституциялық Кеңестің мүшесі Қ.Ә. Омархановты тыңдап, Қазақстан Республикасы Конституциялық Кеңесі мынаны АНЫҚТАДЫ: Жоғарғы Сот «Қазақстан Республикасы Конституциясының 16 және 83-баптарын ресми түсіндіру туралы» 2003 жылғы 31 желтоқсандағы № 13 қаулыға қосымша түсіндірме беру туралы өтінішпен Конституциялық Кеңеске жүгінген. Жоғарғы Сот жоғарыда аталған қаулының қаулы алу бөлігі 1-тармағының «Конституцияның 16-бабының 2-тармағы сот пен прокурордың тұтқындауға және қамауға ұстауға санкция беру жөніндегі құзыретінің бастапқы ережелерін бекітеді. Сот пен прокуратураның соларға сәйкес өкілеттігі заңмен айқындалады» делінген ережесін түсіндіруді сұрайды. Осыдан келіп мынадай: мұның өзі Қазақстан Республикасының Парламенті Конституцияға қайшы келмейтін заңды қабылдауға және құзыреттерін айқындай отырып, тек прокурорға; тек сотқа; прокурор мен сотқа тұтқындауға және қамауға ұстауға санкция беру құқығын беруге құқылы дегенді білдіре ме?, деген сұрақ қойылады. жүктеу/скачать 7,99 Mb. Достарыңызбен бөлісу:
|