Ќазаќстан Республикасы Конституциясыныѕ 52-бабыныѕ
Қазақстан Республикасы Президентiнiң Қазақстан Республикасы Конституциялық Кеңесiнiң 1997 жылғы
жүктеу/скачать 7,99 Mb.
|
| Қазақстан Республикасы Президентiнiң Қазақстан Республикасы Конституциялық Кеңесiнiң 1997 жылғы
24 ақпандағы N 1/2 Қаулысына Қарсылығы туралы Қазақстан Республикасының Конституциялық Кеңесінiң 1997 жылғы 17 наурыздағы N 1/3 қаулысы Қазақстан Республикасының Конституциялық Кеңесi құрамында Төраға Ю.А. Ким, Кеңес мүшелерi Н.И. Акуев, О.Қ. Ықсанов, В.В. Мамонов, С.Ғ. Темiрболатов, В.Д. Шопиннiң қатысуымен Қазақстан Республикасы Конституциясының 73-бабы 4-тармағының және Қазақстан Республикасы Президентiнiң Конституциялық заң күшi бар "Қазақстан Республикасының Конституциялық Кеңесi туралы" Жарлығы 38-бабының 2-тармағы 1) тармақшасының негiзiнде жабық мәжiлiсте Қазақстан Республикасы Президентiнiң Қазақстан Республикасы Конституциялық Кеңесiнiң 1997 жылғы 24 ақпандағы Қазақ КСР-iнiң Азаматтық iс жүргiзу кодексiнiң 310-бабын конституциялық емес деп тануға қатысты N 1/2 Қаулысына Қарсылығын қарап, ұйғарды: Қазақстан Республикасының Конституциялық Кеңесi Маңғыстау облыстық сотының өтiнiшi бойынша 1997 жылғы 24 ақпандағы N 1/2 Қаулысымен Қазақ КСР Азаматтық iс жүргiзу Кодексiнiң 115 және 310 баптарын конституциялық емес, Қазақстан Республикасы Конституциясының 77-бабы 3-тармағының 3) тармақшасында тұжырымдалған адам және азамат құқығына қысым жасайды деп таныған болатын. 1997 жылғы 12 наурызда Қазақстан Республикасының Конституциялық Кеңесiне Қазақстан Республикасының Президентi Н.Ә. Назарбаевтың Конституциялық Кеңестiң аталған Қаулысында Қазақ КСР-iнiң Азаматтық iс жүргiзу кодексiнiң 310-бабына қатысты оны конституциялық емес деп танығанына Қарсылығы келiп түстi. Қазақстан Республикасы Президентiнiң Қарсылығында Қазақ КСР-iнiң АIЖК-нiң 310-бабын конституциялық емес деп танудың сенiмсiз екенiн, осыған байланысты Конституцияның 77-бабының 3-тармағы 3) тармақшасындағы келтiрiлген норма бланкеттi болып табылатынын, яғни соттылықты белгiлейтiн нақты заңға сiлтеме бары туралы пiкiр айтылған болатын. АIЖК-нiң 310-бабында көрсетiлгендей, екiншi сатыдағы соттың төменгi соттың iстi бiрiншi сатыда қарауы үшiн өз өндiрiсiне қабылдауын қайталап бұзуы Конституцияны бұзу болып табылмайды, өйткенi заң бойынша iстiң жаңа соттылығы қарастырылып отыр. Мұндай жағдайда тараптардың келiсiмi талап етiлмейдi, яғни сотты болушылықтың өзгермейтiн қағидасын сақтау қамтамасыз етiледi. Қазақстан Республикасы Президентiнiң Қарсылық бiлдiруiн қараудың нәтижесiнде АIЖК-нiң 310-бабының конституциялық емес жөнiндегi Конституциялық Кеңестiң шешiмi Қазақстан Республикасы Конституциясының 73-бабының 4-тармағында көрсетiлген Қарсылық бiлдiрудi жеңу үшiн қажеттi дауыс санын ала алмады. Яғни, Конституциялық Кеңестiң 1997 жылғы 24 ақпандағы АIЖК-нiң 310-бабын конституциялық емес деп тану жөнiндегi N 1/2 қаулысы Конституцияның 73-бабы 4-тармағының нормасына сәйкес қабылданбады деп табылады. Жоғарыда айтылғандардың негiзiнде, Қазақстан Республикасы Конституциясының 73-бабы 4-тармағын және Қазақстан Республикасы Президентiнiң конституциялық заң күшi бар "Қазақстан Республикасының Конституциялық Кеңесi туралы" Жарлығының 38-бабы 3-тармағын басшылыққа ала отырып, Конституциялық Кеңес қаулы етедi: 1. Қазақстан Республикасының Президентi Н.Ә. Назарбаевтың 1997 жылғы 10 наурыздағы Қарсылық бiлдiруiн жеңе алмауға байланысты Қазақстан Республикасы Конституциялық Кеңесiнiң 1997 жылғы 24 ақпандағы "Маңғыстау облыстық сотының Қазақ КСР АIЖК-нiң 115 және 310 баптарының Конституцияға сәйкес еместiгiн тану жөнiндегi өтiнiшi (ұсынысы) туралы" N 1/2 қаулысының Қазақ КСР АIЖК-нiң 310-бабын конституциялық емес деп тану бөлiгi қабылданбады деп табылсын. 2. Қазақстан Республикасы Конституциялық Кеңесiнiң 1997 жылғы 24 ақпандағы N 1/2 қаулысы Қазақ КСР АIЖК-нiң 310-бабын конституциялық емес деп тануды қоспағанда оны қабылдаған күн 1997 жылғы 24 ақпанынан бастап күшiне енедi. жүктеу/скачать 7,99 Mb. Достарыңызбен бөлісу:
|