Қазақстан Республикасында акушерия – гинекологиялық көмек көрсетуді ұйымдастыру. Акушериядағы деонтология. Акушериялық стационардағы аурулардың алдын алу
Қалыпты орналасқан плацентаның мезгілсіз бөлінуі, себептері, клиникасы, диагностикасы, дәрігердің тактикасы
жүктеу/скачать 157,54 Kb.
|
акушерия және гинекология емдеу ісі каз
| Қалыпты орналасқан плацентаның мезгілсіз бөлінуі, себептері, клиникасы, диагностикасы, дәрігердің тактикасы
Плацентаның мезгілсіз бөлінуі-қалыпты орналасқан плацентаның жатыр қабырғасынан жүктілік немесе босану кезеңдерінде бөлініп ажырауы. Жиілігі.Қалыпты орналасқан плацентаның мезгілсіз бөлінуі шамамен 100-120босанушыда бір рет кездеседі,барлық босанушылар арасында 0,07-0,02% аралығында.Ресейде 0,3-0,5%;оның 56,6%-ты жүктілік кезінде,ал 43,4%-ты босанудың I-Iiкезеңдерінде кездеседі. Эпиопатогенезі.Плацентаның мезгілсіз бөлінуінің негізгі патогенезі-плацента қан тамырларының кенеттен үзіліп,жатырдың жиырылу қасиеті төмендеп,жатыр мен плацента арасында ретроплацентарлы гемотома пайда болады.Көптеген авторлардың айтуы бойынша плацентаның мезгілсіз бөлінуінің бастапқы патогенетикалық механизмі ДВС-синдром(тамыр ішінде қан ұю синдромы). Себептері.Жүктіліктің екінші жартысындағы гестоздар,гипертония,бүйрек,жүрек қан тамыр және жедел инфекция аурулары.Жүктіліктің бұл асқынулары плацента қан тамырларының эластикалық қасиетін төмендетіп,олардың тез жарылуына себеп болады. Сирек себептері:әртүрлі жарақаттар(құлау,іштен соққы алу,амниоцентез);жатыр көлемінің тез ұлғайып,өзгеруі(көп сулы немесе егіз жүктілікте,қағанақ суы кенеттен кеткенде). Жатыр қабаттарының аурулары(қабыну,ісіктер,жатыр тыртығы),плацентаның дегенеративтік озерістері(ұзаққа созылған жүктілікте ),кіндік бауының қысқа болуы плацентаның мезгілінен бұрын бөлінуіне тікелей себепкер болады. Плацента ең алдымен бір шетінен немесе орталық жағынан бөліне бастайды.Плацента мен жатыр қабырғасының арасынан қан ағып,ұйыған қан жиналады.Бұл ұйыған қан плацентаның бөлінуі ұлғайса,қан қан бүкіл жатырдың қабырғасына сіңіп,оның сыртында көптеген көгерген орындар пайда болады;жатыр мрамор сияқты жылтырап,сұрланады.Мұндай жатырды <Кювелер>жатыры немесе жатыр-плацента апоплексиясы дейді.Бұл жағдай жатырдың бұлшық еттерінің жиырылу қасиетін төмендетіп,атониялық және гипотониялық қан шығынына душар етеді.Қанның ұюын жоғарылататын Кювелер жатыры тромбопластин сияқты заттарға өте бай,сондықтан тромбогеморрагиялық синдром пайда болып,босану кезеңі тез асқынуы мүмкін.Ұйыған қан жатырдың қуысына жиналып,қуыстың қысымын ұлғайтады,жатыр қатайып ауыра бастайды.Плацента бөлінген кезде ана қанына көптеген тромбопластиндік заттар еніп,қанның ұю жүйесін бұзуға әсер етіп,тамыр ішінде қан ұю деп аталатын синдром пайда болады. Клиникасы. Қалыпты орналасқан плацентаның мезгілсіз бөлінуінің клиникалық белгілері,плацентаның бөліну дәрежесіне және қан шығынына байланысты.Ана мен нәресте өміріне плацента орталық жағынан бөлінгенде қауіпті,себебі қан жатыр қуысына жиналады. Плацентаның бөлінуінің үш дәрежесін ажыратады:жеңіл,орташа,ауыр. 1.Жеңіл дәрежесі.Бұл дәрежесі елеусіз өтуі мүмкін,әйелде ешқандай ауру сезімі болмайды,тек босанғаннан кейін анықталады;плацентаның бетінде ұйыған қанды және оның жаншыған орнын байқауға болады.Плацентаның бөлінген жері шамалы,нәрестенің күй-жағдайы өзгермейді. 2.Орташа дәрежесі.Әйелдің іші ауырады,жатырдың ауырған жерін әйел көрсетуі де мүмкін.Жатыр аздап қатаяды,жыныс мүшелерінен сыртқа қан аға бастайды,нәрестенің жүрек соғуы нашарлайды. 3.Ауыр дәрежесі.Әйелдің іші кенеттен қатты ауырып,басы айналып,әлсірейді,денесін тер басады.Бет терілері,еріндері бозарады,қан қысымы төмендеп,тамыр соғуы жиілейді. Обьектілік зерттеуде:іш кеуіп,жатыр қатайып,оның пішіні өзгереді,бөкіл жатыр не болмаса бір ғана бөлігі ауырып,қан шығыны байқалады.Нәрестенің жүрек соғуы анықталмайды.Сөйтіп ауыр дәрежесінде әйелде геморрагиялық шоктың II-IIIстаысы байқалады,тромбогеморрагиялық синдромның ауыр түрі басталып,қан шығыны тоқтамай әйел өміріне үлкен қауіп туады.Жатыр қабырғасынан плацентаның 1/3бөлігі бөлінгенде,жатырдағы нәресте шетінейді. Диагностикасы.Бұл асқынудың диагнозын клиникалық белгілеріне қарап,нәрестенің күй-жағдайын анықтап,қан құрамын және қан ұю көрсеткіштерін жасап,анықтауға болады. Дәрігердің тактикасы. Дәрігердің тактикасы әйелдің,нәрестенің күй-жағдайына және плацентаның дәрежесіне байланысты.Кейде клиникалық ағымына қарамай,бірден тез арада ДВС синдром немесе гиповолемия дамиды.Егер осы жағдайды дұрыс бағаламаса,ҚАК бірден төмендеп ана өміріне қауіп туады. 1.Плацентаның бөлінуінің жеңіл дәрежесінде-толғақ басталып,жатыр мойны 5-6см ге ашылса,қан шығыны және нәресте дистрессі болмаса,әйелдің өзі босанады.Егер нәресте дистрессі байқалып немесе қан шығыны артса,бірден кесар тілігін жасайды. 2.Орташа және ауыр дәрежесінде әйелді бірден кесар тілігі арқылы босандырған ұтымды. 3.Қалыпты орналасқан плацентаныңмезгілінен бұрын бөлінуі жүктілік кезінде болса,жатыр қуысына қан кету белгілері артса,нәресте өлі болса да әйелді тез арада кесар тілігі арқылы босандырады.Операция кезінде Кювелер жатары байқалса,жатырды түгел алып тастайды. Босанудың екінші кезеңінде плацентаның мезгілсіз бөлінуі байқалса-акушерлік қысқаш салып әйклді шапшаң босандырады. Үшінші кезеңде-бала жолдасын қолмен бөліп,жатыр қуысын тексереді. Сонымен,босандыру әрекеттермен қатар,әйелге бірден геморрагиялық шоктың комплексті емдерін жүргізеді. Асқынулары. 1.Геморрагиялық шок (қан шығынының артуы салдарынан пайда болады). 2.Қанның коагулопатиялық қасиетінің бұзылуы плацентаның бөлінуінің ауыр түрінде 30%таман кездеседі.ДВСсиндром-плацента бөлінген кезде,ана қанына тромбопластиндік заттар енін,қан ұю жйесін бұзып,ДВс синдромы пайда болады. Диагностикасы.Қанның коагулопатиялық қасиетінің бұзылуын клиникалық және лабороториялық зерттеулерден кейін анықтайды. 1.Клиникасы:жатыр қуысынан тоқтаусыз қанның кетуі;Тігіс салған және дәрі егілген жерлерде гематома пайда болып,қан ағады.Қан кету асқазан-ішеки жолдарынан да болуы мүмкін. 2.Лабороториялық тестілер:тромбоцитопения,фибриноген жетіспеушілігі және фибринолиз анықталады: а)Гиперкоагуляциялық фазасы-қан құрамында тромбопластин мен протромбин ұлғаяды; қан ұю уақыты 4мин.кем; ә)ауысу фазасы-фибриногеннің мөлшері 2г/л кем;тромбин уақыты30-35с,протромбин уақыты 20с,антитромбин мөлшері III75%; б)гипокоагуляциялық фаза-фибриногеннің мөлшері <1,5г/л;тромбин уақыты >35с;протромбин уақыты >22;антитромбин құрамыIII-30-60%;тромбоциттің мөлшері төмен. Емі. 1.Әйелге көп мөлшерде сұйықтықтарды(қан,плазма,жылы донор қанын т.б.)құяды. 2.Гипофибриногенемияда фибриноген терапиясы жүргізіледі және ингибиторлар қолданады:контрикал 40-60гЕД,гордокс500мың ЕДвенаға жайлап енгізеді. 3.ДВС синдромында гепаринды тек қан шығынын тоқтатқан соң және қан құю жүйесін өне бойын лабороториялық зерттеу арқылы анықтай отырып пайдаланады.Бірақ гипокоагуляция фазасында,гипотониялық қан шығынында,босану жолдарының қатты жарақаттнуында гепаринді қолдануға болмайды. 4.Әйелді шапшаң дұрыс босандырса,кейде коагуляциялық ауытқулар 24сағат ішінде орнына келеді. жүктеу/скачать 157,54 Kb. Достарыңызбен бөлісу:
|