Қазақстан Республикасындағы балалар туралы жалпы мәлімет
жүктеу/скачать 2,17 Mb.
|
|
Рейтингтегі жоғарғы тұғырға елімізде мектепке дейінгі дайындық және он бір жылдық орта білім міндетті және тегін болуының нәтижесінде қол жеткізілді. Гендерлік сипат бойынша білім беру қызметтеріне қолжетімділікте кемсітудің болмауы қосымша артықшылық болып табылады. 
Білім беру құрылымы Халықаралық стандартты білім беру классификациясымен сәйкестендірілді. 12 жылдық оқыту моделін енгізу үшін жағдай жасалуда. Білім беру ұйымдарының материалдық базасы нығаюда. Мектептерге 640 биология кабинеттерін, 536 лингофонды мультимедиалық кабинеттерін (одан әрі - ЛМК), 10 физика кабинеттерін, 78 химия кабинеттерін, 721 мектепке-интерактивті тақталар жеткізілуі жүзеге асырылды.Казіргі уақытта 3450 мектепте лингофонды мультимедиялық кабинеттер бар. Білім беру сапасы көтерілуде. 2010 жылы Қазақстан құрамасы 228 алтын, 285 күміс, 335 қола медальдар мен 33 грамотаны иеленді. Қазақстандық оқушылар Балқан, Батыс Қытай математика олимпиадаларының, «Математика және жобалау» халықаралық математика конкурсының және халықаралық деңгейдегі көптеген басқа да сайыстардың қатысушылары болып табылады. Еліміздегі таланты жас математиктердің жалпы қоржынында 62 медаль бар, оның ішінде 8-і алты, 17-сі күміс және 37-сі қола. Инклюзивті білім беру дамуда. Орта мектеп оқушыларын ыстық тамақпен тегін тамақтану және тасымалдау мәселелері шешілуде. Білім берудің инновациялық, көптілді моделін жасау мақсатында білім беруді үш тілде ұсынатын мектептердің саны 33-тен 700-ге дейін көбейеді Қазіргі уақытта «Назарбаев Зияткерлік мектептері» мектептер желісінің саны 6-дан 20-ға дейін көбейтіледі. Республикадағы мектеп оқушылары 100% оқулықпен қамтамасыз етіледі. 2015 жылы жалпы білім беретін білім беру ұйымдарының барлық оқушысы жергілікті бюджет есебінен тегін оқулықтармен және сандық білім ресурстарымен қамтамасыз етіледі. Мектептердің спорт залдарын қазіргі заманғы жабдықтармен жарақтандыру мәселесі шешіледі. Жергілікті бюджет қаражаттары есебінен мектептерге сервистік қызмет көрсете отырып, оларды физика, химия, жаңа түрлендірілген биология кабинеттерімен, лингафондық және мультимедиалық кабинеттерімен жарақтандыру жалғастырылатын болады, олардың үлесі 35,6%-дан 80%-ға дейін ұлғаяды. Сонымен қатар, мектептердің үш ауысымдығы мен апаттылығын жою мақсатында мектептер салынатын болады. 2015 жылға дейін республикалық қаржы есебінен екі жүзден кем мектеп және жергілікті қаржы есебінен сонша мектеп салынады. 2011 жылы республикадағы 6 040 (82%) мектептегі барлық 1 882 087 немесе 77% оқушыға ыстық тамақ ұйымдастырылған. Олардың 615 236 (33%), оның ішінде аз қамтылған отбасылардың 210 467 (89%) оқушысы тегін тамақпен қамтамасыз етілген. жүктеу/скачать 2,17 Mb. Достарыңызбен бөлісу:
|