Қазақстан республикасының білім және ғылым министрлігі қазақстан республикасының Ұлттық инженерлік академиясы

Құрметті әріптестер! Сіздерді, Қожа Ахмет Ясауи атындағы Халықаралық қазақ- түрік университетінде 2016 жылдың 28 қазанында өтетін, Қазақстан Республикасының 25-жылдығына және Ұлттық Инженерлік Академиясының 25 жылдығына арналған «Тұрақты ғылыми-технологиялық даму: трендтер мен технологиялар» атты Халықаралық ғылыми-практикалық конференциясының «Жаңа әлем дамуындағы ақпараттық технологиялардың рөлі» секциясына қатысуға шақырамыз.

1. 
   Ғылымда, өндірісте, білім беруде ақпараттық технологияларды пайдалану
   
2. 
   Жаңа ақпараттық технологиялар және қоғамның жаратылыстану-ғылыми дамуы (ақпараттық және есептеу технологиясы)
   
3. 
   Физика-математика ғалымдарының зерттеулері мен тәжірибесіндегі математикалық әдістер және ақпараттық технологиялар
   
4. 
   Маманды кәсіби даярлау жүйесіндегі жаңа технологиялар
   
5. 
   Қазақстан экономикасының технологиялық дамуы
   

Конференция 4 тілде өтеді – қазақ, орыс, түрік, ағылшын. Конференцияға қатысу үшін өтініш (нұсқасы келтірілген), баяндама тақырыбы мен қысқаша мазмұнын (тезис) жіберуіңіз керек. Баяндаманың толық мазмұнын редакциямызға 2016 жылдың 01 қазанына дейін жіберуіңізге болады.

1. 
   Баяндаманың көлемі 5 беттен (А4 форматы) аспауы тиіс. Беттер нөмірленбейді.
   
2. 
   Жоғары шегі – 2 см, төменгі – 2 см, оң жағы -1,5 см, сол жағы – 3 см.
   
3. 
   Шрифт: Times New Roman, кегль – 12. Қатараралық интервал – бірлік.
   
4. 
   Баяндама тақырыбы БАС ӘРІПТЕРМЕН жазылады, содан соң парақтың ортасына автордың аты-жөні, тегі, жұмыс орны көрсетіледі.
   
5. 
   Баяндаманың соңына әдебиеттер тізімі беріледі. Сілтеме тік жақшаға алынып, қайталанған жағдайда реттік нөміріне сай пайдаланылған әдебиеттің беті көрсетіледі Мысалы: [7,3б.].
   
6. 
   Реферативті сипаттаудағы мақалалар қабылданбайды. Студенттердің авторлық жұмыстары түріндегі мақалалар тек ғылыми жетекшінің рецензиясымен қабылданады.
   
7. 
   Мақала қазақ, орыс, түрік, ағылшын тілдерінде қабылданады.
   
8. 
   Түрік және ағылшын тіліндегі мақалаларда қазақша аннотация болуы міндетті.
   

Секция нәтижесі бойынша жақсы баяндамалар конференцияның пленарлық отырысына және «Қазақстан Республикасының Ұлттық инженерлік Академиясының Хабаршыс» мен «Халықаралық қазақ-түрік университетінің Хабаршысына» ұсынылады.